इंजिनिअरिंग प्रवेशाची पहिली यादी जाहीर; १६ हजार ६१५ विद्यार्थ्यांना मिळाले पहिल्याच पसंतीचे कॉलेज, प्रवेशासाठी 'या' आहेत महत्त्वाच्या पायऱ्या

राज्यातील अभियांत्रिकी (Engineering) प्रथम वर्ष प्रवेश प्रक्रियेतील पहिल्या केंद्रीय प्रवेश फेरीची (CAP Round 1) प्रोव्हिजनल अलॉटमेंट यादी राज्य सामायिक प्रवेश परीक्षा कक्षातर्फे (CET Cell) जाहीर करण्यात आली आहे. यंदाच्या प्रवेश प्रक्रियेत पसंतीक्रम भरलेल्या तब्बल २ लाख १९ हजार ४१७ विद्यार्थ्यांपैकी १ लाख ५७ हजार १०३ विद्यार्थ्यांना पहिल्या फेरीत विविध महाविद्यालयांचे वाटप झाले आहे. विशेष म्हणजे, यातील १६ हजार ६१५ विद्यार्थ्यांना त्यांच्या पहिल्या पसंतीचे (First Preference) महाविद्यालय मिळाले असून, नियमानुसार अशा विद्यार्थ्यांचा प्रवेश आपोआप 'ऑटो फ्रिज' झाला आहे.

प्रवेश प्रक्रियेचे महत्त्वाचे नियम व पुढील पायऱ्या:

• प्रत्यक्ष उपस्थित राहून प्रवेश निश्चित करण्याची मुदत: पहिल्या फेरीत महाविद्यालय अलॉट झालेल्या विद्यार्थ्यांना ३ ऑगस्ट ते ५ ऑगस्ट या कालावधीत संबंधित महाविद्यालयात प्रत्यक्ष उपस्थित राहून आपली कागदपत्रे तपासून व शुल्क भरून प्रवेश निश्चित करणे बंधनकारक आहे.

• 'ऑटो फ्रिज' आणि प्रवेश न घेण्याचे नियम: ज्या विद्यार्थ्यांना त्यांच्या पसंतीक्रमातील पहिले कॉलेज मिळाले आहे, त्यांचा प्रवेश ऑटो-फ्रीज झाला असून त्यांना पुढील फेऱ्यांमध्ये बदल करता येणार नाही. तसेच, अलॉट झालेले कॉलेज पसंत नसूनही जर विद्यार्थ्यांनी निश्चित मुदतीत प्रत्यक्ष जाऊन प्रवेश घेतला नाही किंवा प्रक्रिया पूर्ण केली नाही, तर ते पुढील प्रवेश प्रक्रियेतून बाहेर होऊ शकतात.

• बेटरमेंटचा पर्याय (Betterment Option): ज्या विद्यार्थ्यांना पसंतीक्रमाचे पहिले कॉलेज मिळालेले नाही, ते विद्यार्थी पसंतीनुसार पुढच्या फेऱ्यांमध्ये (CAP Round 2) बेटरमेंटसाठी प्रयत्न करू शकतात. विद्यार्थ्यािड सुरळीत प्रवेश प्रक्रिया पार पाडण्यासाठी CET Cell च्या अधिकृत संकेतस्थळावर (fe2026.mahacet.org) तपशीलवार माहिती उपलब्ध करून देण्यात आली आहे.