Manoj Jarange Patil regret : मनोज जरांगे यांनी व्यक्त केली दिलगिरी; देवेंद्र फडणवीसांबद्दल वापरले होते अपशब्द

माध्यमांशी संवाद साधताना जरांगे पाटील म्हणाले की, "उपोषणामुळे माझी तब्येत ठिक नव्हती. त्यामुळे अनावधानाने माझ्याकडून काही चुकीचे शब्द गेले असतील तर मी दिलगीरी व्यक्त करतो."

पुढे एसआयटी चौकशीवर बोलताना त्यांनी म्हटलं, सगेसोयऱ्यांची अंमलबजावणी केल्याशिवाय मी हटू शकत नाही आणि हटणारही नाही. त्यांना काय चौकशा करायच्या असतील त्यांनी त्या बिनधास्त कराव्या. एसआयटीची चौकशी सुद्धा बिनधास्तपणे चालू द्यावी, त्याबद्दल आपलं काहीच म्हणणं नाही. सगळ्या यंत्रणा त्यांच्याच आहेत. त्यांना त्या कशा चालवायच्या आहेत, काय धाक दाखवायचेत ते दाखवा. मात्र मी माझ्या मराठा समाजासाठी आयुष्यभर जेलमध्ये जायला आणि लढायला तयार आहे, अशा शब्दांत जरांगें पाटलांनी ठामपणे आपली भूमिका मांडली.