LSG Playoffs Scenario: KKR विरुद्धच्या पराभवानंतर लखनऊचं टेन्शन वाढलं! प्लेऑफमध्ये जाण्यासाठी करावं लागेल हे काम

LSG Playoffs Scenario : आयपीएल २०२४ स्पर्धेत रविवारी (५ मे) डबल हेडरचे सामने पार पडले. दुसऱ्या सामन्यात कोलकाता नाईट रायडर्स आणि लखनऊ सुपर जायंट्स हे दोन्ही संघ आमने सामने आले होते. या सामन्यात लखनऊ सुपर जायंट्स  संघाला पराभवाचा सामना करावा लागला आहे. या पराभवानंतर लखनऊ सुपर जायंट्स संघाचा प्लेऑफमध्ये जाण्याचा मार्ग खडतर झाला आहे. इथून पुढे लखनऊचा संघ प्लेऑफमध्ये जाऊ शकतो का? कसं असेल समीकरण? जाणून घ्या.

 लखनऊ सुपर जायंट्स  ने या स्पर्धेत आतापर्यंत ११ सामने खेळले आहेत. यापैकी ६ सामन्यांमध्ये या संघाला विजय मिळवता आला आहे. तर ५ सामने गमवावे लागले आहेत. या पराभवानंतर लखनऊचा संघ गुणतालिकेत पाचव्या स्थानी सरकला आहे. इथून पुढे लखनऊचे ३ सामने शिल्लक आहेत. या ३ सामन्यांमध्ये विजय मिळवला तर लखनऊचा संघ थेट प्लेऑफमध्ये प्रवेश करेल. मात्र ३ पैकी कमी सामने जिंकले तर इतर संघाच्या निकालावर अवलंबून राहावं लागेल.

Pune News : केंद्रीय विद्यालयात प्रवेशाच्या आमिषाने फसवणूक; पैसे परत मागितल्याने आरोपीकडून जीवे मारण्याची धमकी

या संघाविरुद्ध होणार पुढील सामने...

 लखनऊ सुपर जायंट्स  विरुद्ध बोलायचं झालं तर, या संघाचे ३ सामने शिल्लक आहेत. हे सामने मुंबई इंडियन्स, सनरायझर्स हैदराबाद आणि दिल्ली कॅपिटल्सविरुद्ध होणार आहेत. हे तिन्ही सामने लखनऊ सुपर जायंट्स संघासाठी अतिशय महत्वाचे असणार आहेत. तर कोलकाता नाईट रायडर्स संघाविरुद्धच्या कामगिरीबद्दल बोलायचं झालं, तर या सामन्यात कोलकाता नाईट रायडर्स संघाने २० षटक अखेर ६ गडी बाद २३५ धावा केल्या. या धावांचा पाठलाग करताना लखनऊ सुपर जायंट्सचा संघ १६.१ षटकात १३७ धावांवर संपुष्टात आला.