Kolhapur News : कोल्हापुरात टोळीयुद्धाचा भडका, तरुणावर अंदाधुंद गोळीबार; नागरिक धास्तावले

Kolhapur News :  कोल्हापूरमधून एक मोठी बातमी समोर आली आहे. कोल्हापूरच्या जवाहरनगर परिसरात गोळीबार झाला आहे. या गोळीबारात एक तरुण गंभीर जखमी झाला आहे. त्याला उपचारासाठी रुग्णालयात दाखल करण्यात आलं. रविवारी (ता. २१) रात्रीच्या सुमारास ही घटना घडली आहे. या घटनेमुळे परिसरात भीतीचं वातावरण पसरलं आहे.

साद शौकत मुजावर (वय २३) असं जखमी झालेल्या तरुणाचं नाव आहे.मागील काही दिवसांपासून कोल्हापुरात टोळी युद्धाचा भडका उडाला आहे. राजारामपुरी पोलिसांच्या दुर्लक्षामुळे परिसरात गँगवार सुरु असल्याचा आरोप नागरिकांनी केला आहे. पोलिसांनी तातडीने या गावगुंडांचा बंदोबस्त करावा, अशी मागणी नागरिक करीत आहेत.

Pune Fire News : पुण्यात भल्यापहाटे अग्नितांडव, ३ मजली इमारतीला भीषण आग; अग्निशमन दलाचे ६ बंब घटनास्थळी

मिळालेल्या माहितीनुसार, कोल्हापूर शहरातील जवाहर नगर येथे रविवारी (ता. २१) रात्री पुन्हा गोळीबाराची घटना घडली. यात यादव कॉलनी येथील शौकत मुजावर (वय २३) हा युवक गंभीर रित्या जखमी झाला. पोलिस सूत्रांकडून मिळालेल्या माहिती नुसार मुजावर हा जेवण करून रात्रीच्या वेळी बाहेर फिरायला गेला होता.

त्याचवेळी चारचाकीमधून आलेल्या अज्ञात आरोपींनी त्याच्या दिशेने गोळीबार केला. यात दोन राऊंड हवेत उडाले, तर एक गोळी मुजावर याच्या मांडीत घुसली आहे. दरम्यान, गोळीबारानंतर आरोपींनी कोयत्यासारख्या धारदार शस्त्राने मुजावरच्या डोक्यावर हल्ला केला. त्याने हा हल्ला चुकविण्याचा प्रयत्न केल्याने तो बचावला,

हा संपूर्ण प्रकार लक्षात येताच परिसरातील नागरिकांनी घटनास्थळी धाव घेतली. नागरिक येत असल्याचं पाहून हल्लेखोरांनी घटनास्थळावरुन पळ काढला. या घटनेत मुजावर गंभीर जखमी झाला असून त्याला उपचारासाठी रुग्णालयात दाखल करण्यात आलं आहे. या घटनेनं परिसरात भीतीचं वातावरण पसरलं आहे. पोलीस हल्लेखोरांचा शोध घेत आहेत.