Jalgaon Accident News : भरधाव कारने शाळकरी मुलांना चिरडलं; दोघांचा जागीच मृत्यू, २ जखमी

हा अपघात इतका भीषण होता की, कारने चौघांना चिरडल्यानंतर कार पूर्णता पलटी झाली होती. अपघातात सुभाष पाटील आणि दुर्वा पाटील जागीच ठार झाले आहेत. तर परशुराम पाटील आणि ऋतुजा भोईटे हे जखमी झाले आहेत. चौघांना कारची धडक लागली तेव्हा दोन जण उडून शेजारी असलेल्या शेतात पडले.

बुधवारी रात्री देखील एक भीषण अपघात झाला. या अपघातात दुचाकीला पाठीमागून येणाऱ्या भरधाव कारने जोरदार धडक दिली. या घटनेत स्कूटीवरून जाणाऱ्या दोन तरूणांचा मृत्यू झालाय. हा अपघात रात्री साडे अकराच्या दरम्यान अर्धापूर- नांदेड राष्ट्रीय महामार्गावरील श्रीसंत किसन बापू आश्रमाजवळ घडला आहे.