Jalgaon Accident : पुलाचा कठडा तुटून विटांचा ट्रक पलटी; एका मजुराचा मृत्यू, तीन मजुर गंभीर जखमी

Jalgaon Accident :  पुलाचा कठडा तुटल्याने विटांनी भरलेला ट्रक रस्त्याच्या बाजुला उलटून एक मजुर ट्रक खाली दबला जावुन त्याचा मृत्यु झाला. नेरी गावाजवळ ही घटना घडली असून इतर तीन जण जखमी झाले आहेत. या तिघा जखमींना जिल्‍हा रुग्णालयात दाखल करण्यात आले आहे. 

श्याम कुमार तुलसीराम पाठे (वय ३४) असेअपघातात मृत झालेल्या तरुणाचे नाव आहे. म्हसावद (ता.जळगाव) येथून ट्रक १८ जानेवारीला विटा भरून छत्रपती संभाजीनगर  जिल्ह्यातील अजिंठा येथे जात होता. दरम्यान सायंकाळी ५ वाजेच्या सुमारास नेरी गावाजवळून जात असताना रस्त्यावरील फुलाचा कठडा तुटल्याने ट्रकचे चाक फसले. त्यातच ट्रक हा कलंडला. यामध्ये श्यामकुमार तुलसीराम पाठे हा तरुण दबला गेल्याने त्याचा जागीच मृत्यू झाला, 

Pune News : तुमच्या मुलाचा अन् पतीचा मृत्यू होईल...; पुण्यात जादूटोण्याचा भयंकर प्रकार उघड

जखमी रुग्णालयात दाखल 

सोबत असलेले सुनील भड्या कोठोडे (वय ३३), शेख शकील शेख सलीम (वय ३२) आणि सलमान खान युसुफ खान (सर्व रा. अजिंठा जि. छत्रपती संभाजीनगर) असे तीन जण जखमी झाले आहे. दरम्यान ही घटना घडल्यानंतर स्थानिक नागरिकांनी धाव घेऊन जखमी झालेल्या तिघांना तातडीने खाजगी वाहनाने जळगाव येथील शासकीय वैद्यकीय महाविद्यालयात उपचारार्थ दाखल करण्यात आले आहे. शेवटचे वृत्त हाती आले तेव्हा या घटनेबाबत पोलिसात नोंद घेण्याचे काम सुरू होते.