Iran vs US : फक्त न्यूक्लियर बॉम्ब नाही, अजून एका कारणासाठी इराण-अमेरिका युद्ध अटळ, US आर्मी फक्त एका ऑर्डरसाठी थांबलीय

इराण आणि अमेरिकेमध्ये तणाव कमी होत नाहीय. ओमानमधील चर्चेनंतरही युद्धाचा धोका टळलेला नाहीय. अमेरिकेचे राष्ट्राध्यक्ष डोनाल्ड ट्रम्प यांनी शुक्रवारी जाहीर केलं की, दुसरा एअरक्राफ्ट कॅरिअर ग्रुप लवकरच मिडिल ईस्टला रवाना होईल. त्यामुळे एकाबाजूला इराण-अमेरिकेमध्ये चर्चेची शक्यता वाटत असली, तरी युद्धाचा धोका सुद्धा कायम आहे. जेव्हा पत्रकारांनी ट्रम्प यांना विचारलं की, USS गेराल्ड आर.फोर्डला कॅरेबियन समुद्रातून मिडिल ईस्टला घेऊन जाणार का?. त्यावर त्यांनी ‘लवकरच तिथे जायला निघेल’ असं उत्तर दिलं. ‘जर आमची डील झाली नाही, तर आम्हाला त्याची गरज भासेल’ असं ट्रम्प म्हणाले.

द न्यूयॉर्क टाइम्सने आधीच बातमी दिलेली की, फोर्ड स्ट्राइक ग्रुपला नवीन ऑर्डर मिळालीय. त्यानुसार फारसच्या खाडीत USS अब्राहम लिंकन कॅरियर स्ट्राइक ग्रुपला फोर्ड स्ट्राइक ग्रुप जॉईन करेल. इराणवर दबाव वाढवण्याच्या रणनितीचा हा भाग म्हणून त्याकडे पाहिलं जात आहे. ट्रम्प यांनी या आठवड्याच्या सुरुवातीलाच संकेत दिले होते की, त्यांना इराण जवळच्या समुद्रात दुसरी विमानवाहू युद्धनौका पाठवायची आहे. ही युद्धनौका कुठली, या बद्दल त्यांनी तसचं अमेरिकन नौदलाकडूनही काहीच सांगण्यात आलं नव्हतं. ताज्या निर्णयांवरुन असं दिसतय की, ओमानची चर्चा फेल झाली, तर इराणवर हल्ला होऊ शकतो.

असा इशारा अमेरिकेने आधीच दिलाय

इराणने मागच्या महिन्यात बळाचा वापर करुन प्रदर्शनं, आंदोलनं मोडून काढली. त्यानंतर अमेरिका आणि इराणमधील तणाव वाढला. या प्रदर्शनात हजारो लोक मारगे गेल्याचा अमेरिकेचा दावा आहे. इराणचा दावा आहे की, या आंदोलनामागे इस्रायल आणि अमेरिकेचा हात आहे. इराणने त्यांच्या अणवस्त्र कार्यक्रमासंदर्भात डील केली नाही, तर चर्चा अपयशी ठरली तर गंभीर परिणाम होतील असा इशारा अमेरिकेने आधीच दिला आहे.

युद्ध अटळ का?

USS अब्राहम लिंकन ही विमानवाहू युद्धनौका आणि गायडेड-मिसाइल डिस्ट्रॉयर आधीपासूनच अरबी समुद्रात तैनात आहेत. मागच्या आठवड्यात US नौदलाने एक ईराणी ड्रोन पाडलं, जे युद्धनौकेच्या जवळ आलं होतं. इराण झुकण्याचे संकेत देत नाहीय. अमेरिका-इराण युद्ध अटळ यासाठी आहे कारण फक्त अणवस्त्र प्रकल्पच नाहीत, तर इराणचा बॅलेस्टिक मिसाइल प्रोग्रॅम सुद्धा एक कारण आहे. कारण इस्रायल या मिसाइलच्या रेंजमध्ये येतो. जून महिन्यात इराण-इस्रायल युद्धात इराणच्या अनेक मिसाइल्समुळे इस्रयालमध्ये मोठ्या प्रमाणात वित्तहानी झाली होती. त्यामुळे इराणने त्यांचा बॅलेस्टिक मिसाइल कार्यक्रम बंद करावा ही अमेरिका-इस्रायलची प्रमुख मागणी आहे. इराण या समोर झुकेल असं वाटत नाही.