Important Changes in Booking, Delivery, and Expected Price Hike

दिल्ली/मुंबई: १ मे २०२६ पासून एलपीजी गॅस सिलिंडरशी संबंधित अनेक महत्त्वाच्या नियमांमध्ये बदल होणार आहेत. जागतिक परिस्थिती आणि गॅस वितरण प्रणालीतील पारदर्शकता वाढवण्यासाठी केंद्र सरकार आणि तेल कंपन्यांकडून ही नवी नियमावली लागू केली जात आहे.
या बदलांचा सर्वसामान्य ग्राहकांच्या खिशावर आणि दैनंदिन वापरावर मोठा परिणाम होण्याची शक्यता आहे. प्रमुख बदल खालीलप्रमाणे आहेत:डिलिव्हरी ऑथेंटिकेशन कोड (DAC)

अनिवार्य: आता केवळ पैसे देऊन सिलिंडर घेता येणार नाही. गॅसची चोरी आणि काळाबाजार रोखण्यासाठी 'डिलिव्हरी ऑथेंटिकेशन कोड' प्रणाली लागू केली जात आहे. ग्राहकाच्या नोंदणीकृत मोबाईल क्रमांकावर एक ओटीपी (OTP) येईल, जो डिलिव्हरी बॉयला सांगितल्यानंतरच सिलिंडरची डिलिव्हरी पूर्ण मानली जाईल.

बुकिंगमधील अंतराचा नवा नियम: गॅसची साठेबाजी रोखण्यासाठी बुकिंगच्या नियमात बदल करण्यात आले आहेत. शहरी भागातील गराहकांना आता एका सिलिंडरनंतर दुसरे बुकिंग करण्यासाठी किमान २५ दिवस, तर ग्रामीण भागात ४५ दिवसांची प्रतीक्षा करावी लागणार आहे.

किमतीत वाढ होण्याची शक्यता: मध्यपूर्वेतील तणाव आणि जागतिक बाजारपेठेतील कच्च्या तेलाच्या वाढत्या किमतींमुळे घरगुती आणि व्यावसायिक सिलिंडरच्या दरात वाढ अपेक्षित आहे. घरगुती सिलिंडरच्या किमतीत सुमारे ५० ते ६० रुपयांची वाढ होऊ शकते, ज्यामुळे मध्यमवर्गीयांचे बजेट कोलमडण्याची भीती आहे.

e-KYC अनिवार्य: प्रधानमंत्री उज्ज्वला योजनेच्या लाभार्थ्यांसह इतर ग्राहकांसाठीही आधार e-KYC प्रक्रिया पूर्ण करणे अनिवार्य करण्यात आले आहे. ही प्रक्रिया पूर्ण न केल्यास गॅस सबसिडी मिळण्यात अडचणी येऊ शकतात. सरकारकडून ग्राहकांना एलपीजी ऐवजी पीएनजी (PNG) गॅस वापरण्याचे आवाहन केले जात असून, नवीन कनेक्शन घेणाऱ्यांसाठी विशेष ऑफर्सही दिल्या जात आहेत. ग्राहकांनी वेळेवर गॅस मिळवण्यासाठी आपला मोबाईल क्रमांक नोंदणीकृत करून घेण्याचे आणि अधिकृत मार्गांनीच बुकिंग करण्याचे आवाहन करण्यात आले आहे.