सिंधुदुर्ग: हिरवा संदेश, हरित भविष्य, ह्यूमन राईट असोसिएशनच्या पुढाकारातून लक्ष्मीबाई टोपीवाला कन्या शाळेत वृक्षारोपण!

सिंधुदुर्ग :प्रतिनिधी

सिंधुदुर्ग: पर्यावरण संवर्धनाचा संदेश देत ह्यूमन राईट असोसिएशन फॉर प्रोटेक्शनच्या कोकण विभाग, सिंधुदुर्ग-मालवण तालुक्याच्या वतीने लक्ष्मीबाई टोपीवाला कन्या शाळा, मालवण येथे १० वृक्षांचे वृक्षारोपण करण्यात आले.

या उपक्रमात ह्यूमन राईट असोसिएशन फॉर प्रोटेक्शनचे कोकण विभागीय अध्यक्ष संतोष नाईक, सिंधुदुर्ग-रत्नागिरी जिल्हा समन्वयक प्रणय बांदिवडेकर, जिल्हाध्यक्ष सुधीर धुरी, जिल्हा महिला संघटक सौ. मिनल पार्टे, मालवण तालुकाध्यक्ष प्रमोद कांडरकर, उपाध्यक्ष महेश मयेकर, निरीक्षक संदेश फाटक, महिला संघटक (शहरी व ग्रामीण) मुक्ता रजपूत, सौ. सीमा धुरी, कार्याध्यक्ष सुभाष प्रभू खानोलकर, सदस्य सीलिया डिया उपस्थित होते.

 

तसेच कृ. सी. देसाई शिक्षण मंडळ, मालवणचे सहसचिव संदेश कोयंडे, कोषाध्यक्ष नंदन देसाई, लक्ष्मीबाई टोपीवाला कन्या शाळेचे मुख्याध्यापक लक्ष्मण शिंदे, सहशिक्षक प्रवीण साबळे, कनिष्ठ लिपिक आनंद नाईक आणि शिपाई महादेव गावकर यांनीही या उपक्रमात सहभाग घेतला.

उपस्थितांनी वृक्षसंवर्धनाचे महत्त्व अधोरेखित करत लावण्यात आलेल्या वृक्षांचे संगोपन करण्याचा संकल्प व्यक्त केला. पर्यावरणाचे रक्षण आणि हरित परिसर निर्माण करण्याच्या उद्देशाने आयोजित करण्यात आलेल्या या वृक्षारोपण उपक्रमाचे सर्व स्तरांतून स्वागत करण्यात आले.