Accident In Hingoli : हिंगोलीत भरधाव कार झाडावर आदळली, महिलेसह दोघे ठार; बुलडाण्यातही एसटी-खासगी बसच्या धडकेत महिला ठार

छत्रपती संभाजीनगर येथून उमरखेडकडे जाताना हिंगोलीच्या नरसी जवळ हा अपघात झाला. या अपघातामधील तीन जणांची प्रकृती गंभीर आहे. त्यांना पुढील उपचारासाठी नांदेड येथे हलवले आहे.

बुलडाण्यात एसटी आणि खासगी बसचा भीषण अपघात

बुलडाण्यातही एसटी आणि खासगी बसचा भीषण अपघात झाल्याची घटना घडली. ४४ प्रवाशांनी भरलेली बस ही बुलडाण्यातून निघाली होती. त्यानंतर चिखली ते मेहेकर रोडवरील नांद्री फाट्याजवळ या एसटी बसला खासगी बसने धडक दिली.

या एसटी आणि खासगी  बसच्या  अपघातात एका प्रवासी महिलेचा जागीच मृत्यू झाला. तर बसमधील २५ प्रवासी जखमी झाले आहेत. या जखमी प्रवाशांना मेहेकर येथील सामान्य रुग्णाल्यात दाखल करण्यात आलं आहे.

खासगी बस ही मेहेकरला जात होती. स्लीपर कोच बस असल्याने त्यातील झोपलेले प्रवासी किरकोळ जखमी झाले आहेत.