Crime News: रील स्टार होण्याच्या नादात मैत्रिणीच्याच घरात केली चोरी; १९ वर्षीय तरुणीसह चार जणांना अटक

अक्षय गवळी, अकोला, साम टिव्ही

Crime News: रील स्टार होण्याच्या नादात एका 19 वर्षीय तरुणीने थेट चोरीचा मार्ग निवडला. रिल्ससाठी कॅमेरा, महागडा मोबाईल आणि इतर साहित्य घेण्यासाठी या 19 वर्षीय तरुणीने तिच्या मैत्रिणीच्या घरातील डल्ला मारलाय. जवळपास 21 लाखांचे दागिने तिने लंपास केले. अखेर पोलिसांनी चोरीप्रकरणी तरुणीला अटक केली असून तिच्यासह अन्य 3 जणांना गजाआड केल आहे. समीक्षा गवई असं अटक केलेल्या तरुणीचं नाव आहे. वैभव गोपनारायण, ऋतीक श्रृंगारे, समीर तेलखडे असे तिच्या इतर अन्य साथीदारांची नावे आहे.