Sambhajinagar News : धावत्या कारने घेतला पेट; कारमधील ४ जण थोडक्यात बचावले

Chhatrapati Sambhajinagar : छत्रपती संभाजीनगर जिल्ह्यातील वाळूज परिसरात नवीन शिवराई येथे एका धावत्या कारने अचानक पेट घेतल्याची घटना घडली. या घटनेमध्ये कारमध्ये बसलेले ४ जण थोडक्यात बचावले असून मोठा अनर्थ टळला आहे. यामध्ये कार ही पूर्णपणे जळून खाक झालेली आहे.

अहमदनगर- छत्रपती संभाजीनगर मार्गावर मध्य रात्रीच्या सुमारास वाळूज येथे हि घटना घडली आहे. या घटनेतील कारमध्ये जालना जिल्ह्यातील एका कुटुंबातील चार जण हे पुण्याकडून गावाकडे जाण्यासाठी निघाले होते. कार वाळूज येथे आली असता कारच्या समोरील भागातून अचानकपणे धूर निघन्यास सुरवात झाली. यामुळे कार चालकाने प्रसंगावधान राखून कार रस्त्याच्या बाजूला घेत थांबवत आपल्या परिवाराला बाहेर काढले.

Budget 2024 : सत्तेचा व्यापार वाचविण्यासाठी हजारो कोटींची खंडणी; बजेटवरून संजय राऊत आक्रमक, PM मोदींवर हल्लाबोल

पाहता- पाहता काही क्षणात कारने (Fire) पेट घेतला. यात कार पूर्णपणे जळून खाक झाली आहे. दरम्यान घटनेत सुदैवाने कोणतीही जीवितहानी झाली नाही. या घटनेची माहिती मिळतात अग्निशामक दलाचे जवान या ठिकाणी दाखल झाले होते. मात्र तोपर्यंत ही कार पूर्णपणे जळून खाक झाली.