वर्ध्यात काळाचा घाला! अधिक मासाच्या पुण्यस्नानासाठी गेलेल्या वडिलांसह दोन मुलींचा नदीत बुडून मृत्यू

वर्धा: जिल्ह्यातील समुद्रपूर तालुक्यात अधिक मासानिमित्त नदीवर स्नानासाठी गेलेल्या एका कुटुंबावर काळाने घाला घातला आहे. या दुर्घटनेत वडील आणि दोन मुलींचा पाण्यात बुडून मृत्यू झाला आहे.

शुक्रवारी, २९ मे २०२६ रोजी समुद्रपूर तालुक्यातील शेडगाव येथील वणा नदी पात्रात ही हृदयद्रावक घटना घडली. अधिक मासानिमित्त अतुल किनकर (वय ४५), त्यांची मुलगी रिधीमा किनकर (वय १५) आणि तिची मैत्रीण गुंजन मसराम (वय १५) हे तिघेही दुपारच्या सुमारास वणा नदीवर स्नानासाठी गेले होते.

नेमकी घटना काय?नदी पात्रात रेती उपशामुळे काही ठिकाणी मोठे खड्डे पडलेले आहेत. आंघोळ करताना पाण्याचा अंदाज न आल्याने हे तिघेही अचानक खोल पाण्यात गेले आणि बुडू लागले. त्यांनी मदतीसाठी आरडाओरड केली, परंतु आसपास कोणीही नसल्यामुळे त्यांना वेळेवर मदत मिळू शकली नाही.

घटनेची माहिती मिळताच स्थानिक नागरिक आणि प्रशासनाचे बचाव पथक घटनास्थळी दाखल झाले. शोधाशोध केल्यानंतर दुपारी ३ वाजताच्या सुमारास तिघांचेही मृतदेह बाहेर काढण्यात आले. या घटनेमुळे शेडगावसह संपूर्ण परिसरात शोककळा पसरली आहे.

ताज्या बातम्यांसाठी लिंकवर क्लिक करा  https://punenews24.in/