Chhatrapati Sambhajinagar : संभाजीनगर हादरलं! बटण गोळ्यांच्या नशेत तरूणाचा खून; हातात चाकू, आरडाओरड करत आरोपीचा भररस्त्यात धिंगाणा

Chhatrapati Sambhajinagar :  छत्रपती संभाजीनगरमध्ये बटण गोळ्याची नशा केलेल्या एका तरुणाने धारदार चाकूने एकाचा खून केल्याची घटना घडली आहे. शहरातील नारेगाव परिसरात ही घटना घडली आहे. नशेच्या गोळ्या खाऊन देहभान विसरणारे तरुण रस्त्यावर फिरताना दिसत आहेत. वर्षभरात अशा नशेखोरांकडून खुनाच्या घटना घडलेल्या आहेत. त्यामुळे छत्रपती संभाजीनगरमध्ये नागरिकांत भीतीचं वातावरण दिसत आहे.

खून झालेल्या तरूणाचं नाव फिरोज खान कलीम खान असं आहे, तर आरोपीचं नाव कलीम शहा असं आहे. कलीम शहा बटण गोळ्याची नशा करत असल्याचं समोर आलं आहे. त्याने नशेमध्ये फिरोजची हत्या  केली आहे. त्यानंतर कलीम हातात चाकू घेऊन खुलेआम रस्त्यावर फिरत होता. त्यामुळे नागरिकांमध्ये मोठा गोंधळ निर्माण झाला होता.