CET Exam 2025 Dates : सीईटी परीक्षांच्या सुधारित तारखा जाहीर, कधी होणार तुमची परीक्षा? वाचा वेळापत्रक

CET Exam 2025 Dates  : राज्यातील विविध व्यावसायिक अभ्यासक्रमांच्या प्रवेशासाठी घेण्यात येणाऱ्या सीईटी परीक्षेबाबत महत्वाची बातमी समोर आली आहे. सीईटी परीक्षेच्या सुधारित तारखा जाहीर करण्यात आल्या आहेत. सीईटीच्या परीक्षा ९ एप्रिल ते १९ एप्रिल या कालावधीमध्ये घेण्यात येणार आहेत. त्यामुळे सीईटीची तयारी करणाऱ्या विद्यार्थ्यांनी आतापासूनच तयारीला लागावे.

तीन वर्षे विधी अभ्यासक्रमाची सिईटी परीक्षा २० ते २१ मार्च रोजी तर ५ वर्षे विधीची सीईटी परीक्षा २८ एप्रिल रोजी होणार आहे. एमसीएची सीईटी परीक्षा २३ मार्चला होणार आहे. तर एमबीएची सीईटी परीक्षा १ ते ३ एप्रिल दरम्यान होणार आहे.

तर, बीबीए, बीसीए या अभ्यासक्रमाची सिईटी परीक्षा ३० एप्रिल ते ३ मे या कालावधीत होणार आहे. या परीक्षांचे सविस्तर वेळापत्रक सीईटी सेलच्या वेबसाईटवर उपलब्ध आहे. आपल्या परीक्षाच्या तारखा पाहून विद्यार्थ्यांनी आतापासूनच तयारीला लागावे असे आवाहन केले जात आहे.