Brazil Plane Crash News : ब्राझीलमध्ये पर्यटकांना घेऊन जाणारं विमान कोसळलं, पायलटसह १४ प्रवाशांचा मृत्यू

Brazil Plane Crash News : ब्राझीलमध्ये विमान क्रॅश होऊन 14 जणांचा मृत्यू झाला आहे. मृतांमध्ये 12 प्रवासी आणि 2 क्रू मेंबर्सचा समावेश असल्याची माहिती आहे. अपघातात मृत्यूमुखी 12 प्रवाशी अमेरिकन पर्यटक असल्याची माहिती समोर येत आहे.

सर्वजण ब्राझीलच्या अॅमेझोनच्या बार्सेलोस येथे जात होते, अशीही माहिती मिळत आहे. सध्या अपघातस्थळावरून मृतदेह बाहेर काढण्याचे काम सुरू आहे.

Eknath Shinde : मनोज जरांगेंची मागणी असली, तरी मराठ्यांना OBC तून सरसकट आरक्षण मिळणार नाही; CM शिंदेंचं मोठं विधान

ब्राझीलच्या स्थानिक वेळेनुसार दुपारी ३ वाजता हा अपघात झाला. दुर्घटना घडली त्यावेळी मुसळधार पाऊस पडत होता, तसेच खराब हवामानामुळे ही दुर्घटना घडली असावी, असा अंदाज व्यक्त करण्यात येत आहे.

गव्हर्नर विल्सन लिमा यांनी सांगितले की, हे विमान मॅनौस एरोटॅक्सी एअरलाइनचे होते. कंपनीने देखील अपघाताला दुजोरा देणारे निवेदन जारी केले आहे. विमान दुर्घटनेचा तपास सुरू आहे, मात्र अद्याप याप्रकरणी फारशी माहिती मिळालेली नाही, असं कंपनीने म्हटलं आहे.

मिळालेल्या माहितीनुसार, विमान खराब हवामानामुळे कोसळले असावे. लँडिंगच्या वेळी मुसळधार पाऊस पडत होता. विमान उतरण्याच्या प्रयत्नात असताना कमी दृष्यमानतेमुळे हा अपघात झाला असावा.