Baramati NCP Corporator Kishor Masal Booked for Alleged Harassment and Molestation of a Widow

बारामती: नगर परिषदेचे राष्ट्रवादी काँग्रेस (अजित पवार गट) मधील विद्यमान नगरसेवक किशोर आप्पासाहेब मासाळ यांच्या विरोधात बारामती तालुका पोलीस ठाण्यात विनयभंग, मारहाण आणि धमकावल्याप्रकरणी गंभीर गुन्हा दाखल करण्यात आला आहे.

प्रकरणाची पार्श्वभूमी: पीडित महिला विधवा असून ती एकटी राहत असल्याचा गैरफायदा आरोपीने घेतला. १३ फेब्रुवारी २०२६ ते २५ मे २०२६ या कालावधीत आरोपी मासाळ याने महिलेच्या ओळखीचा गैरफायदा घेत तिच्या घरात वारंवार अनधिकृत प्रवेश केला.

गंभीर आरोप: आरोपीने महिलेकडे शरीरसुखाची मागणी केली आणि अंगाला स्पर्श करून लज्जा उत्पन्न होईल असे कृत्य केले. तसेच, "मी पुढारी आहे, तुला सुखाने जगू देणार नाही," अशी धमकी देत खोट्या गुन्ह्यात अडकवण्याची आणि फोटो सोशल मीडियावर व्हायरल करण्याची भीती दाखवली.

मारहाण आणि पाठलाग: आरोपीने महिलेचा वारंवार पाठलाग केला आणि तिला लाथाबुक्क्यांनी मारहाण देखील केल्याचा आरोप तक्रारीत करण्यात आला आहे.
पोलीस कारवाई: या प्रकरणी बारामती तालुका पोलीस ठाण्यात बीएनएस (BNS) कलम ३३२ (c), ७४, ७५, ७८, ११५(२), ३५२ आणि ३५१(२)(३) अन्वये गुन्हा दाखल करण्यात आला असून, पुढील तपास सुरू आहे.