Pune : महापालिकेच्या मैदानात आंदेकर फॅमिलीची एन्ट्री; अर्ज भरताना बंडू आंदेकर भावुक, VIDEO व्हायरल

Pune : पुण्यातील आयुष कोमकर याच्या खून प्रकरणात कुख्यात गुंड बंडू आंदेकर याला न्यायालयाने पुणे महापालिकेच्या निवडणुकीमध्ये अर्ज भरण्यासाठी विशेष न्यायालयाने सशर्त परवानगी दिली होती. आज बंडू आंदेकर हा उमेदवारी अर्ज करण्यासाठी भवानी पेठ क्षेत्रीय कार्यालयात दाखल झाला होता. यावेळी त्याच्यासोबत कुटुंबातील सदस्य सोनाली वनराज आंदेकर (सून) आणि भावजय (लक्ष्मी सूर्यकांत आंदेकर) याही सोबत होत्या. आयुष कोमकर प्रकरणता हे सर्वजण आता आरोपी असून न्यायालयीन कोठडीमध्ये आहेत.

सूर्यकांत उर्फ बंडू आंदेकर याचा व्हिडीओ सोशल मीडियावर व्हायरल झाला आहे. या व्हिडीओमध्ये पाहू शकता आपल्या नातवाच्या खून प्रकरणात आरोपी असलेल्या बंडू आंदेकरने माध्यमांसमोर माज दाखवला. त्याला त्याने केलेल्या गुन्ह्याच्या कोणताही पश्चाताप दिसला नाही. यावेळी वनराज आंदेकर झिंदाबाद अशी घोषणा दिली. त्यासोबतच नेकी का नाम आंदेकर का काम, आंदेकरांना मत म्हणजे विकासकामांना मत, वनराज आंदेकर झिंदाबाद असंही तो म्हणाला. विशेष न्यायालयाकडून तिघांना सशर्त परवानगी देण्यात आली होती. अर्ज दाखल करताना कोणतीही मिरवणूक, प्रचारयात्रा, घोषणाबाजी, सार्वजनिक भाषणे करू नये, अस न्यायालयाकडून सांगण्यात आलं होतं.

Nagpur : नागपुरात शिवसेना शिंदे गटाचे जिल्हाप्रमुख सूरज गोजे यांच्यावर गुन्हा नोंद; प्रकरणाने राजकीय वर्तुळात खळबळ

राष्ट्रवादी काँग्रेसचे माजी नगरसेवक वनराज आंदेकर यांच्या खुनाच्या प्रकरणात आरोपी असलेल्या गणेश कोमकर याचा मुलगा आयुषचा नाना पेठेत गोळ्या घालून खून झाला. या प्रकरणात बंडू उर्फ सूर्यकांत राणोजी आंदेकर (वय ७०), लक्ष्मी उदयकांत आंदेकर (वय ६०), सोनाली वनराज आंदेकर (वय ३६) यांच्यासह पंधरा आरोपी न्यायालयीन कोठडीत आहेत. विशेष म्हणजे, बंडू आंदेकर, माजी नगरसेविका लक्ष्मी आंदेकर आणि वनराजची पत्नी सोनाली यांना निवडणूक लढवण्यासाठी न्यायालयाने परवानगी दिली आहे. पुणे महापालिकेच्या निवडणूक कार्यक्रमानुसार ३० डिसेंबरपर्यंत उमेदवारी अर्ज भरता येणार आहे.

आयुष कोमकर याच्या खुनानंतर आंदेकर टोळी प्रमुख बंडू आंदेकर आणि त्याच्या कुटुंबातील सदस्यांना अटक झाली. या सर्व आरोपींना सध्या न्यायालयीन कोठडी सुनावण्यात आली आहे. मात्र, राजकीय पार्श्वभूमी असलेल्या या प्रकरणात, बंडू आंदेकर, लक्ष्मी आंदेकर आणि सोनाली आंदेकर यांना निवडणूक लढवण्याची संधी मिळाली आहे. पुणे महापालिकेच्या आगामी निवडणुका लक्षात घेता, हा निर्णय महत्त्वाचा ठरत आहे.