Nashik : अशोक खरात प्रकरणाला नवा वळण; SIT ला विशेष सरकारी वकील मिळणार नाही, अजय मिसर यांनी नकार दिला

Nashik : नाशिकमधील बहुचर्चित आणि संवेदनशील अशोक खरात प्रकरणाच्या न्यायालयीन लढाईत आता नवा पेच निर्माण झाला आहे. विशेष तपास पथकाने या प्रकरणासाठी वरिष्ठ विधीज्ञ आणि विशेष सरकारी वकील ॲड. अजय मिसर यांची नेमणूक करण्याची विनंती केली होती, मात्र ॲड. मिसर यांनी कामाच्या व्यापामुळे हे प्रकरण हाताळता येणार नाही, असे लेखी पत्राद्वारे SIT ला कळवले आहे.

अजय मिसर यांचा कारण

ॲड. मिसर सध्या अनेक राष्ट्रीय आणि राज्यस्तरीय महत्त्वाच्या खटल्यांमध्ये सरकारची बाजू मांडत आहेत. यात २०११ मधील मुंबई साखळी बॉम्बस्फोट प्रकरणातील कुख्यात गँगस्टर रवी पुजारी संबंधित महाराष्ट्रातील सर्व खटले आणि इतर महत्त्वपूर्ण न्यायालयीन चौकशीचा समावेश आहे. त्यांच्या मते, अशोक खरात प्रकरणासाठी पुरेसा वेळ देणे शक्य नाही.

तपास यंत्रणेसमोर आव्हान

विशेष सरकारी वकिलांनी माघार घेतल्यामुळे तपास यंत्रणेसमोर आता नवे आव्हान उभे राहिले आहे. सध्या प्रकरणाचा ताबा आणि पुढील न्यायालयीन युक्तिवाद सहाय्यक सरकारी वकील शैलेंद्र बागडे यांच्याकडे सोपवण्यात आले आहेत.

न्यायालयीन कारवाई

महिला लैंगिक शोषण प्रकरणी पोलीस कोठडीत असलेल्या अशोक खरात याला पोलिस कोठडी संपल्यानंतर नाशिक जिल्हा सत्र न्यायालयात हजर केले गेले. सरकारवाडा पोलिस ठाण्यात पहिल्या महिलेने खरात याविरुद्ध दिलेल्या तक्रारीवरून गुन्हा दाखल करण्यात आला होता. आजच्या सुनावणीत त्याला न्यायालयीन कोठडी सुनावण्यात आली असून, उद्या दुसऱ्या गुन्ह्याच्या सुनावणीसाठी तो परत कोर्टात हजर होणार आहे.