Akola Crime News : रस्त्यावर आढळले दोन मृतदेह; अकोल्यातील खळबळजनक घटना

Akola Crime News : अकोल्यामध्ये दोन व्यक्तींचे मृतदेह  आढळले आहेत. हे मृतदेह ३५ वर्षीय आणि ६५ वर्षीय व्यक्तींचे आहेत. या घटनेमुळं परिसरात मोठी खळबळ उडाली आहे. आपण याबाबत सविस्तर जाणून घेऊ  या.  

अकोला जिल्ह्यातील दहीहंडा पोलीस स्टेशन हद्दीतील चौहटा बाजार भागात हे मृतदेह आढळून आले आहेत. मिळालेल्या माहितीनुसार समाधान शंकर ढिगे (वय 65) आणि निलेश राणे (35) असं मृतकांची नावे आहे.

Akola Zilha Parishad : १३ काेटी ४९ लाखांची कामे रखडले; जिल्हा परिषद सदस्यांचे डीपीओ कक्षात ठिय्या

मृत्यूप्रकरणी घातपाताचा संशय

पोलिसांनी दिलेल्या प्राथमिक माहितीनुसार समाधान यांचा रस्त्यावर पुलावरुन खाली पडून मृत्यू झाला असावा, तर निलेश राणे यांनी कौटुंबिक कलहातून विषप्राशन करून आत्महत्या केली  असावी, अशी शक्यता वर्तवली आहे.

दोघांच्या मृत्यूचं मूळ कारण अद्याप समोर आलं नाहीय. यामृत्यूप्रकरणी घातपाताची शक्यता वर्तवली जातेय. या प्रकरणी अधिक तपास दहीहंडा पोलीस करीत आहे. या घटनेमुळं नागरिकांमध्ये भितीचं वातावरण आहे.

पोलीस तपास सुरू

दरम्यान निलेश राणे हे मूळ रोहणा गावातील रहिवासी आहेत. गेल्या काही दिवसांपूर्वी त्यांची पत्नी बेपत्ता झाली होती. त्यांनी या संदर्भात दहीहंडा पोलीस ठाण्यात बेपत्ता असल्याची तक्रार नोंदवली  होती.

आता निलेश राणे यांचाच मृतदेह आढळला आहे. त्यामुळे संशय व्यक्त केला जात आहे. पोलीस अधिक तपास करीत आहे.