Ajit Pawar : अजित पवार लवकरात लवकर महाराष्ट्राचे मुख्यमंत्री होऊ दे, अजित पवार गटाच्या पदाधिकाऱ्याचं लालबागच्या राजाकडे साकडं

Ajit Pawar : राज्यात गणोशोत्सवाची धामधूम सूरूच आहे. आज गणेशोत्सवाचा नववा दिवस आहे. मंबई, पुणे यासारख्या मोठ्या शहरांमध्ये राज्यभरातून लोक गणेशोत्सवासाठी येतात. तर मुंबईच्या गणेशोत्सवाला तोबा गर्दी होते. राज्यातील अभिनेते, अभिनेत्री, उद्योगपती, राजकीय नेते ही मंडळी देखील गणरायाच्या दर्शनासाठी हजेरी लावतात. तर नवसाला पावणारा गणपती अशी ख्याती असलेल्या मुंबईतील लालबागच्या राजाच्या दर्शनासाठी येतात. लालबागच्या राजाच्या समोर लाखो भाविक आपल्या इच्छा, नवस बोलतात.

तर लालबागच्या राजाच्या दर्शनासाठी आलेल्या राष्ट्रवादी युवक काँग्रेस अजित पवार गटाचे पदाधिकारी रणजीत नरोटे यांनीही एक नवस केला आहे. "अजित पवार लवकरात लवकर महाराष्ट्राचे मुख्यमंत्री होऊ दे," असा मजकूर असलेली एक चिठ्ठी त्यांनी लालबागच्या राजाच्या चरणावर अर्पण केली आहे.

Ganpati Visrjan Pune : ९ हजार कर्मचारी तैनात, सीसीटीव्ही, ड्रोनद्वारे ठेवणार लक्ष... बाप्पाच्या विसर्जन मिरवणुकीसाठी पुणे पोलीस सज्ज!

आज सकाळी उपमुख्यमंत्री अजित पवार यांनी लालबागच्या राजाचे दर्शन घेतलं. त्यांच्याबरोबर पार्थ पवार,अजित पवार गटाचे प्रदेशाध्यक्ष सुनील तटकरे यांच्यासह आदी नेते पदाधिकारी उपस्थित होते. यावेळी राष्ट्रवादी युवक काँग्रेस अजित पवार गटाच्या पदाधिकारी रणजीत नरोटे यांनी लिहलेली एक चिठ्ठी लालबागच्या राजाच्या चरणी अर्पण केली. त्यावर "हे लालबागच्या राजा, आमचे अजितदादा पवार लवकरात लवकर ह्या महाराष्ट्र राज्याचे मुख्यमंत्री होऊ दे", असं लिहिलं होतं.

दरम्यान, राज्यात गेल्या काही दिवसांपासूनअजित पवार  मुख्यमंत्री व्हावेत असे बॅनर्स राज्याच्या विविध भागात लावण्यात आले होते. अजित पवार मुख्यमंत्री व्हावेत अशी इच्छा अनेक नेते व्यक्त करत असतात. अशातच आज अशी चिठ्ठी लालबागच्या राजाच्या चरणी अर्पण केल्यानंतर पुन्हा एकदा अजित पवार हे मुख्यमंत्री व्हावेत अशी चर्चा सुरू झाली आहे.