Nashik Mobile Blast : मोबाईलच्या स्फोटाने नाशिक हादरलं! घरांच्या काचा फुटल्या, ३ जण जखमी

Nashik Mobile Blast : नाशिकमधून एक धक्कादायक घटना समोर आली आहे. नाशिकच्या उत्तमनगर मध्ये मोबाईलचा भीषण स्फोट होवून ३ जण जखमी झाले आहेत. जखमींपैकी एकाची प्रकृती गंभीर असून त्यांच्यावर सध्या रुग्णालयात उपचार सुरू आहेत.

याबाबत सविस्तर माहिती अशी की, चार्जिंगला लावलेल्या मोबाईलचा स्फोट झाल्याची घटना नाशिकमधून (Nashik) उघडकीस आली आहे. शहरातील उत्तमनगर परिसरात सकाळी सहा वाजेच्या सुमारास ही दुर्घटना घडली. या स्फोटामध्ये तीन जण गंभीर जखमी झाले असून जखमींपैकी एकाची प्रकृती गंभीर असल्याचे सांगण्यात येत आहे.

Ajit Pawar : अजित पवार लवकरात लवकर महाराष्ट्राचे मुख्यमंत्री होऊ दे, अजित पवार गटाच्या पदाधिकाऱ्याचं लालबागच्या राजाकडे साकडं

तुषार जगताप, बाळकृष्ण सुतार आणि शोभा जगताप अशी जखमींची नावे आहेत. हा मोबाईल स्फोट इतका भीषण होता की घराचे मोठे नुकसान झाले असून आजूबाजूच्या घरांच्याही काचा फुटल्या.

याबाबतची माहिती मिळताच पोलिसांनीही घटनास्थळी धाव घेतली आहे. स्फोट कसा झाला याबाबत अधिक तपास करत आहेत. या घटनेने परिसरातील नागरिंकामध्ये भितीचे वातावरण पसरले आहे.