AFG vs SA : T20 मध्ये जगातली सुपर ओव्हरमध्ये बेस्ट टीम कुठली? भारताचा रेकॉर्ड कसा आहे? कुठल्या टीमने जास्त सामने गमावलेत?

Superover World Record : T20 वर्ल्ड कपच्या 13 व्या सामन्यात काल दक्षिण आफ्रिकेने अफगाणिस्तानला हरवलं. हा सामना खऱ्या अर्थाने रोमांचक, थरारक ठरला. त्यामुळे क्रिकेट चाहत्यांचा आनंद खऱ्या अर्थाने द्विगुणित झाला. दक्षिण आफ्रिकेला अफगाणिस्तान विरुद्ध हा विजय दोन सुपर ओव्हरनंतर मिळाला. अफगाणिस्तानकडे हा सामना जिंकण्याच्या दोन संधी होत्या.पण दोन्ही वेळा ते अपयशी ठरले. सुपर ओव्हरमध्ये अफगाणिस्तानचा खूप खराब रेकॉर्ड आहे. अफगाणिस्तान टीमने आतापर्यंत तीनवेळा टी 20 मध्ये सुपर ओव्हरचा सामना केलाय. तिन्ही वेळ पराभवच त्यांच्या पदरी आलाय. सुपर ओव्हरमध्ये प्रचंड दबाव असतो. जी टीम चांगली स्ट्रॅटजी आखते, दबावाचा चांगल्या पद्धतीने सामना करते, ती टीम जिंकते. टी 20 इंटरनॅशनलच्या इतिहासात सुपर ओव्हरमध्ये कुठल्या टीमचा काय रेकॉर्ड आहे? कोण नंबर 1 आहे? जाणून घेऊया.

सुपर ओव्हरमध्ये बेस्ट टीमबद्दल बोलायचं झाल्यास टीम इंडिया सर्वात वर आहे. भारताने आतापर्यंत 6 वेळा सुपर ओव्हरचा सामना केलाय. प्रत्येकवेळी टीम इंडियाला विजय मिळालाय. सुपरओव्हरमध्ये दबावाखाली टीम इंडियाने कधीच सामना गमावलेला नाही. सर्वात जास्त सुपर ओव्हर जिंकण्याच वर्ल्ड रेकॉर्ड भारतीय टीमच्या नावावर आहे.

T20 मध्ये आतापर्यंत कधीच सुपर ओव्हरचा सामना न करणारी टीम कुठली?

सर्वात जास्त सुपर ओव्हरमध्ये हरणारी टीम न्यूझीलंड आहे. या टीमने आतापर्यंत 9 वेळा सुपर ओव्हरचा सामना केलाय. यात 7 वेळा पराभव झेलावा लागलाय. दोनच वेळा न्यूझीलंडची टीम जिंकली आहे. इंग्लंड आणि दक्षिण आफ्रिकेच्या टीमने प्रत्येकी दोन-दोन वेळा सुपर ओव्हरमध्ये विजय मिळवलाय. पाकिस्तानने चार सुपर ओव्हरमध्ये तीन मॅच गमावल्या आहेत. झिम्बाब्वेच्या टीमने कधीच सुपर ओव्हरमध्ये मॅच गमावलेला नाही. त्यांनी दोन सामने जिंकलेत. श्रीलंकेच्या टीमने 6 सुपर ओव्हर टाकल्या. 4 वेळा त्यांचा पराभव झाला. बांग्लादेश टी 20 मध्ये अशी एकमेव टीम आहे, ज्यांनी कधीच सुपर ओव्हरचा सामना केलेला नाही.

सुपर ओव्हरमध्ये टीम्सचं प्रदर्शन

अफगाणिस्तान – विजय 0 पराभव 3

ऑस्ट्रेलिया – विजय 1 पराभव 2

बांग्लादेश – विजय 0 पराभव 0

इंग्लंड – विजय 2 पराभव 0

भारत – विजय 6 पराभव 0

आयर्लंड – विजय 1 पराभव 0

न्यूझीलंड – विजय 2 पराभव 7

पाकिस्तान – विजय 1 पराभव 3

दक्षिण आफ्रीका – विजय 2 पराभव 0

श्रीलंका – विजय 2 पराभव 4

वेस्ट इंडीज – विजय 2 पराभव 1