Accident News : पाथरी पोखर्णी महामार्गावर ट्रॅव्हल्स-ट्रकचा भीषण अपघात; ट्रॅव्हलमधील १० ते १५ प्रवाशी जखमी झाले

Accident News : ट्रॅव्हल्स- ट्रकची समोरासमोर धडक होऊन भीषण अपघात झाल्याची घटना मानवत तालुक्यातील पाथरी पोखर्णी महामार्गावरील हमदापुर फाटा येथे शनिवारी सकाळी साडेसहा वाजण्याचा सुमारास घडला.

या अपघातात तीन जण गंभीर जखमी झाल्याची प्राथमिक माहिती असून ट्रॅव्हलमध्ये प्रवास करणारे १० ते १२ प्रवासी जखमी झाले आहेत

एका खाजगी कंपनीची ट्रॅव्हल्स (क्र: एमएच -१९ वाय- ३२३२)पाथरी वरून पोखर्णी कडे जात होती. तर ट्रक ( जीजे- ३६ व्ही- ५५०९) पोखर्णी वरून पाथरी कडे येत होते. सकाळी साडेसहा वाजण्याच्या सुमारास हमदापुर फाटा येथे या दोन्ही वाहनांची समोरासमोर धडक झाली.

या धडकेत दोन्ही वाहनांचे चालक व ट्रॅव्हल कॅबिन मध्ये बसलेला एक प्रवासी गंभीर जखमी झाल्याची माहिती मिळाली. त्याप्रमाणे ट्रॅव्हलच्या १० ते १५ प्रवाशांना दुखापत झाली .जखमी प्रवासी खाजगी वाहनांचा मदतीने परभणी येथे उपचारासाठी गेले आहेत. मानवत पोलिसांनी घटनास्थळी भेट देऊन वाहतूक सुरळीत करण्याचा प्रयत्न करीत आहेत.

या भीषण अपघातानंतर रस्त्यावर मोठी वाहतूक कोंडी निर्माण झाली होती. तब्बल तासभर रस्त्यावर वाहनांच्या लांबच लांब रांगा लागल्या होत्या.  अपघाताची घटना घडताच परिसरात मोठा गोंधळ उडाला. पोलिसांना या घटनेची माहिती मिळताच त्यांनी घटनास्थळी धाव घेतली.