मुकेश अंबानींच्या अँटिलिया सारखं घर आता बांधायचं असेल तर किती खर्च येईल? आकडा ऐकून झोप उडेल

जगातील सर्वात महागाड्या घरांबाबत तुम्ही जेव्हा विचार करता तेव्हा त्यामध्ये प्रसिद्ध उद्योगपती मुकेश अंबानी यांचं निवासस्थान असलेल्या अँटिलिया हाऊसचा समावेश होतो. अँटिलियाचा समावेश हा जगातील जी काही हातावर मोजण्या इतकी सर्वात महागडे खासगी घरं आहेत, त्यामध्ये होतो. मुकेश अंबानी यांच्या मालकीची ही इमारत मुंबईमध्ये आहे. या इमारतीमधील सोई सुविधा पाहून डोळे दिपून जातात, एवढं अलिशान हे घर आहे. आता तुम्हाला प्रश्न पडलाच असेल की या घराची नक्की किंमत किती असेल? अँटिलिया इमारत जेव्हा बांधण्यात आली होती, तेव्हा तिच्या बांधकामासाठी किती खर्च आला होता? आणि सध्या या इमारतीची किंमती किती आहे? याच सर्व प्रश्नांची उत्तर आपण आज जाणून घेणार आहोत.

मुकेश अंबानी यांचं निवासस्थान असलेल्या अँटिलिया इमारतीच्या बांधकामाला 2006 साली सुरुवात झाली होती. ही इमारत 2010 साली बांधून पूर्ण झाली. या इमारतीसाठी त्यावेळी तब्बल 2 बिलियन डॉलर म्हणजेच भारतीय रुपयांमध्ये 17,400 कोटी रुपये खर्च आला होता. तर इमारतीचं संपूर्ण इंटेरियर मिळून या घराची किंमत जवळपास कथितरित्या 6000 कोटींच्या आसापास गेल्याची माहिती एका रिपोर्टमधून समोर आली आहे, आता आपण पाहूयात जर ही इमारत 2026 मध्ये बांधायची झाल्यास त्यासाठी किती खर्च येऊ शकतो.

2026 मध्ये अँटिलियाच्या बांधकामासाठी किती खर्च येईल?

जर तुम्ही मुकेश अंबानी यांचं निवासस्थान असलेल्या अँटिलियासारखी दुसरी इमारत उभारण्याचा विचार केला तर या घरासाठी सध्याच्या दरनुसार 15,000 कोटी ते 17,400 कोटी पर्यंत खर्च येऊ शकतो. तर काही तज्ज्ञांच्या मते आता अँटिलियासारखी वास्तू बनवायची असेल तर त्यासाठी 4.6 बिलियन डॉलर म्हणजेच भारतीय रुपयांमध्ये 38,000 कोटी रुपयांपेक्षा जास्त खर्च येऊ शकतो. याचं एक महत्त्वाचं कारण म्हणजे सध्या जमिनीचे भाव गगनाला भिडले आहेत, सर्व गोष्टी प्रचंड महाग झाल्या आहेत. मुकेश अंबानी यांचं हे घर 27 मजल्यांचं आहे, मात्र त्याची उंची ही 60 मजल्यांच्या इमारतीच्या बरोबरीची आहे, या इमारतीमध्ये सर्व प्रकारच्या सोई सुविधा उपलब्ध आहेत.