मुंबई : राज ठाकरेंना मुंबईच्या नेत्याचा इशारा, भाजपनं दिलं स्पष्टीकरण

मुंबई : महाराष्ट्र नवनिर्माण सेनेचे अध्यक्ष राज ठाकरे यांनी मशिंदीवरील भोंगे उतरवण्याचा इशारा दिल्यानंतर राजकीय वातावरण तापलं होतं. आता राज यांच्या अयोध्या दौऱ्यावरूनही विरोधाचा सूर आवळला जातोय. उत्तर प्रदेशच्या भाजप खासदारानं राज यांच्या अयोध्या दौऱ्याला विरोध करुन आव्हान दिलं होतं. त्यानंतर आता मुंबई भाजप (BJP) प्रवक्ते संजय ठाकूर (Sanjay Rathod) यांनीही राज यांच्या भूमिकेला विरोध दर्शवत तगडं आव्हान दिलं आहे. मनसे कार्यकर्त्यांनी उत्तर भारतीयांना मारहाण केली होती. त्यामुळे राज ठाकरे यांनी आधी माफी मागावी आणि त्यानंतरच अयोध्या दौरा करावा,असे भाजप प्रवक्ता ठाकूर यांनी म्हटलं आहे. याच पार्श्वभूमीवर भाजपच्या वतीनं स्पष्टीकरण देण्यात आलंय. मुंबई भाजप उपाध्यक्ष श्वेता परुळकर यांनी ठाकूर यांच्या भूमिकेवर प्रतिक्रिया दिलीय. संजय ठाकूर यांचे राज ठाकरे यांच्याबाबतचे वक्तव्य वैयक्तीक आहे. मुंबई भाजप संजय ठाकूर यांच्या मताशी सहमत नाही. असं परुळकर यांनी म्हटलं आहे.