मध्यप्रदेशचे मुख्यमंत्री थोडक्यात बचावले, काय झालं नेमकं?, पाहा काळजाचा ठोका चुकवणारा व्हिडिओ

Madhya Pradesh CM Mohan Yadav : मध्य प्रदेशचे मुख्यमंत्री मोहन यादव यांच्या हेलिकॉप्टरच्या उड्डाणावेळी एक धक्कादायक घटना घडली. खंडवा दौऱ्यावरून परत येत असताना मुख्यमंत्री मोहन यादव यांच्या हेलिकॉप्टरमध्ये तांत्रिक बिघाड झाला होता. मुख्यमंत्र्यांचे हेलिकॉप्टर उड्डाण घेतल्यावर अचानक पुढे जाण्याऐवजी मागे सरकू लागले आणि एका बाजूला झुकले. हा प्रकार पाहून उपस्थित असणाऱ्या सर्वांच्याच काळजाचा ठोका चुकला होता. सुदैवाने पायलटच्या प्रसंगावधानमुळे मोठा अनर्थ टळलाय. या घटनेचा व्हिडिओ सोशल मीडियावर व्हायरल झाला आहे. (Madhya Pradesh CM helicopter technical problem)

मुख्यमंत्री मोहन यादव 'लाडली बहना' योजनेच्या कार्यक्रमासाठी गेले होते. कार्यक्रम संपल्यानंतर ते हेलिकॉप्टरने परत निघाले. पण उड्डाण घेताच हेलिकॉप्टर तांत्रिक कारणास्तव किंवा हवेच्या दबावामुळे सरळ जाण्याऐवजी उलट्या दिशेने आणि तिरपे होऊ लागले. हेलिकॉप्टर जमिनीच्या दिशेने झुकल्याचे पाहून उपस्थित असणारे प्रचंड घाबरले होते. पण पायलटच्या प्रसंगावधानमुळे दुर्घटना टळली.