मंत्रालयासमोरील शेतकऱ्याच्या आत्मदहनावरून सुप्रिया सुळेंची शिंदे सरकारवर टीका; म्हणाल्या, “ते ५० खोके ऑल ओके’ हेच ५० खोके जनसेसाठी खर्च झाले असते तर आज शेतकऱ्यांवर ही वेळ आली नसती,

राज्य विधिमंडळाच्या पावसाळी अधिवेशनादरम्यान उस्मानाबाद येथील शेतकऱ्याने स्वतःला पेटवून घेत आत्मदहनाचा प्रयत्न केला. यावरून राष्ट्रवादी काँग्रेसच्या खासदार सुप्रिया सुळे यांनी शिंदे-फडणवीस सरकारवर जोरदार टीका केली. ‘५० खोके ऑल ओके’ हेच ५० खोके जनसेसाठी खर्च झाले असते तर आज शेतकऱ्यांवर ही वेळ आली नसती, असे त्या म्हणाल्या.

“शेतकऱ्यांच्या प्रश्नावर लक्ष द्यायला त्यांना वेळ”

“राज्यातील शिंदे-फडणवीस सरकार हे असंवेदनशील आहे. हे दोघेही पक्ष फोडणे आणि इतरांना दमदाटी करण्यात यात इतके व्यस्त आहेत, की त्यांना शेतकऱ्यांच्या प्रश्नांवर लक्ष द्यायला वेळ नाही. या सरकारवर शेतकऱ्यांचा विश्वास नाही, त्यामुळेच उस्मानाबादच्या शेतकऱ्याने इतकं टोकाचं पाऊल उचललं असावं. या सर्व प्रकाराला शिंदे-फडणवीस सरकार जबाबदार आहे”, अशी टीका सुप्रिया सुळे यांनी केली आहे. ‘५० खोके ऑल ओके’ हे ५० खोके जनसेसाठी खर्च झाले असते, तर आज शेतकऱ्यांवर ही वेळ आली नसती, असा टोलाही त्यांनी शिंदे-फडणवीस सरकारला लगावला.

उस्मानाबादच्या शेतकऱ्याचा आत्मदहनाचा प्रयत्न

विधानभवनाबाहेर एका शेतकऱ्याने अंगावर रॉकेल ओतून आत्मदहनाचा प्रयत्न केला आहे. सुभाष भानूदास देशमुख, असे या शेतकऱ्याचे नाव आहे. घटनेत गंभीररित्या भाजलेल्या शेतकऱ्याला पोलिसांनी रुग्णालयात दाखल केले. अतिवृष्टीमुळे झालेल्या नुकसानामुळे देशमुख यांनी हे टोकाचं पाऊल उचलल्याचे बोलले जात आहे. देशमुख हे साताऱ्याच्या कांदळगावचे रहिवासी आहेत.