एन. रघुरामन यांचा कॉलम:जग आपल्या नियमित स्नॅक्समध्ये अधिक आरोग्यदायी पर्याय शोधत आहे

ज गात टेक कंपन्या सतत आपल्याला स्लीप स्कोअर, हार्ट रेट सांगत आहेत आणि आपला जीव असा डॅशबोर्ड बनवत आहेत, ज्याकडे पाहून आपण रोज चिंता करावी. अशा वेळी फूड कंपन्या शरीराविषयी बोलल्याशिवाय कशा गप्प बसतील? आपल्या बायोलॉजीला आकडेवारीत बदलून या टेक कंपन्यांनी केवळ सेल्फ-ऑप्टिमायझेशनला एक सोपा आणि वेगाने वाढणारा व्यवसाय बनवले नाही, तर वेअरेबल डिव्हायसेसची वाढही सत्यात उतरवली आहे. बाजूच्या फूड बिझनेसने केवळ हेच पाहिले नाही की तंत्रज्ञानामुळे आलेला हा बदल पैसे कमवत आहे, तर त्यांनी विवाहित मुली आणि त्यांच्या आयांमधील संभाषणात आलेला बदलही पाहिला. आठवून पाहा, काही काळापूर्वी जेव्हा एखाद्या ठराविक वेळी व्हॉट्सॲप कॉल यायचा तेव्हा आया उत्तर देण्यासाठी धावत सुटायच्या. कारण तो कॉल त्यांच्या मुलीचा असायचा, जी परदेशात किंवा त्या शहरात राहायची जिथे ती लग्नानंतर स्थायिक झालीय. संभाषण छोटे असायचे. मुलगी विचारायची की एखादा विशिष्ट पदार्थ कसा बनवायचा आणि आया एआय असिस्टंटप्रमाणे ते सांगायच्या. हळूहळू रेसिपी जाणून घेण्याचे हे कॉल कमी झाले. असे यासाठी नाही की मुली पारंगत झाल्या, तर त्यांच्या मते आईची रेसिपी आता नव्या काळानुसार हेल्थ कॉन्शस राहिली नाही. वजन कमी करणाऱ्या औषधांच्या वाढत्या वापरासोबत जग विविध कारणांमुळे हळूहळू आपल्या आहाराची तपासणी करायला शिकत आहे. सप्लिमेंट्सपासून ते जवळजवळ प्रत्येक गोष्टीत, अगदी बटाट्याच्या चिप्समध्येही प्रोटीन जोडणे हा ग्राहकांना आकर्षित करण्याचा मार्ग बनला आहे. नुकत्याच आलेल्या मॅकिन्सेच्या एका अहवालात म्हटले की जगातील दोन तृतीयांश ग्राहक आपल्या नियमित स्नॅक्सच्या अधिक आरोग्यदायी पर्यायांसाठी 10% अधिक किंमत मोजायला तयार आहेत. तुमचा विश्वास बसणार नाही, तुम्ही एका कुकीजचेच विविध प्रकार खरेदी करू शकता, जे झोपेपासून ते त्या विविध कामांमध्ये तुमचे लक्ष केंद्रित करू शकतात, ज्यांच्यावर जीवनशैलीचा परिणाम होतो असे तुम्हाला वाटते. आजपर्यंत आपण सर्वजण प्रोटीन कुकी खात आलो. आपण मानत होतो की त्यात पाकिटावर दिलेल्या माहितीनुसार फायबर आहे. पण आता त्याच कुकीने आपल्या बायोलॉजीमध्ये वेगळी जागा घेतली आहे. आता ती म्हणते, मला खा, तुम्हाला चांगली झोप लागेल. किंवा म्हणते की जर लक्ष केंद्रित करायचे असेल तर फोकस कुकी हजर आहे. यामध्ये न्यूट्रिएंट्स आहेत, ज्यांच्याबद्दल असे मानले जाते की ते ब्रेन परफॉर्मन्स सुधारतात - जसे क्रिएटिन. स्लीप कुकी, ज्यामध्ये अमिनो ॲसिड एल-थियानिन आहे, असे मानले जाते की हे तणाव कमी करून नर्व्हस सिस्टिमला शांत करते. अमेरिकेची ऑनलाइन मिळणारी फील्ड्स गुड पॅकेज्ड कुकीज असे अनेक प्रकार विकते. तरीही वेलनेस ट्रेंड्सवर काम करणाऱ्या संशोधकांचे या घटकांबद्दल संमिश्र मत आहे. मला वाटते की कुकीजचे भविष्य वयावर आधारित असेल, जसे अडल्ट कुकीज आणि लहान मुलांच्या कुकीज. तरीही जगभरात फूड बिझनेसने मोठी झेप घेतली आहे. जेव्हा एखादी व्यक्ती फूड पॅकेजिंगचे नियोजन करतते, तेव्हा दुसरी व्यक्ती विचार करते की त्यामध्ये प्रोटीन, फायबर किंवा इतर फंक्शनल घटकांचे कॉम्बिनेशन कसे जोडावे, जेणेकरून ते हेल्थ कॉन्शस लोकांना आकर्षित करू शकेल. क्लासिक फूडमध्ये फंक्शनल ट्विस्ट देणे आता तरुण उद्योजकांचा नवा नियम बनला आहे. त्यांना समजले की जगात परमिसिव्ह इंडल्जन्सची भूक कधीही संपणार नाही. याचा अर्थ असे पदार्थ बनवणे, जे भूक शांत करतील आणि त्यांचे हेल्दीअर प्रोफाइल देखील असेल, जेणेकरून लोक कोणत्याही अपराधाच्या भावनेशिवाय त्याचा आनंद घेऊ शकतील. हा ट्रेंड निर्बंधांऐवजी संतुलनावर लक्ष केंद्रित करतो. बहुतांश वेळा यात 80-20 चा नियम वापरला जातो, जिथे 80% पोषक घटक असतात आणि 20% चवीशी किंवा आवडीशी संबंधित असतात. विचार करा की पारंपारिक लाडूंना व्हे लाडू किंवा प्रोटीन पेढ्यामध्ये बदलले जात आहे, जे जुन्या आठवणी आणि पोषण एकाच वेळी एकत्र आणत आहेत. फंडा असा की... नवीन माहिती देणारे तंत्रज्ञान आणि आपल्या बायोलॉजीच्या वेगवेगळ्या भागांना सपोर्ट करण्याचे वचन देणारे फूड नेहमीच ट्रेंडमध्ये राहील. भविष्यात विज्ञान आणि आरोग्याच्या शिक्क्याशिवाय कोणत्याही फूड बिझनेसला स्पर्धेत संघर्ष करावा लागू शकतो.