चंद्रग्रहणामुळे होळी आणि रंगपंचमी कधी साजरी करायची ? तर एका क्लिकवर जाणून घ्या योग्य तारीख

पुढील महिन्यात म्हणजेच मार्च मध्ये होळीचा सण मोठ्या उत्साहात साजरा केला जाणार आहे. मात्र या सणाबद्दल लोकांमध्ये बराच गोंधळ निर्माण झालेला आहे. या वर्षी चंद्रग्रहण आणि भद्रा होळीशी जुळत आहेत, ज्यामुळे होळी आणि रंगपंचमी नेमकी कोणत्या तारखेला साजरी करावी असा प्रश्न लोकांना पडलेला आहे. कारण वेगवेगळे धार्मिक केंद्र आणि विद्वान वेगवेगळे मत मांडत आहेत ज्यामुळे होळी कोणत्या दिवशी साजरी केली जाईल याबद्दल लोक गोंधळलेले आहेत.

काही कॅलेंडरनुसार होलिका दहन 2 मार्च 2026 रोजी केले जाईल आणि रंगपंचमी होळी 3 मार्च रोजी साजरी केली जाईल. तर काही काशीतील विद्वानांचा असा विश्वास आहे की होलिका दहन 2 मार्चच्या रात्री होईल, परंतु होळी 4 मार्च रोजी साजरी करावी. या गोंधळाचे मुख्य कारण म्हणजे फाल्गुन पौर्णिमेला होणारे पूर्ण चंद्रग्रहण.

ज्योतिषांच्या मते…

प्रसिद्ध ज्योतिषी पंडित सांगतात की 2026 चे पहिले चंद्रग्रहण 3 मार्च रोजी होईल आणि त्याचे परिणाम भारतात स्पष्टपणे दिसून येणार आहे. हा दिवस फाल्गुन महिन्याच्या पौर्णिमेचा दिवस देखील आहे.

ज्योतिषाच्या मते, पौर्णिमेच्या दुसऱ्या दिवशी रंगपंचमी साजरी करणे पारंपारिक आहे. त्यामुळे 3 मार्च रोजी ग्रहण असल्याने त्या दिवशी होळीचा सण साजरा करावा तेही ग्रहणाची वेळ संपल्यावर होळीची पूजा करता येणार आहे. तसेच दुसऱ्या दिवशी 4 मार्च 2026 रोजी देशभरात रंगपंचमी म्हणजेच धुळवड साजरी करणे शास्त्रानुसार योग्य असेल.

चंद्र ग्रहणाची योग्य वेळ

३ मार्च रोजी होणारे पूर्ण चंद्रग्रहण दुपारी 3 वाजून 19 मिनिटांनी सुरू होईल ते संध्याकाळी 6 वाजून 47 मिनिटांपर्यंत चालेल. हे चंद्रग्रहणाची वेळ असणार आहे. म्हणजेच ग्रहण फक्त चंद्रोदयाच्या वेळीच दिसेल. चंद्र सुमारे 17 मिनिटे पूर्णपणे झाकलेला असेल, ज्याला पूर्ण ग्रहण म्हणतात.

या दिवशी रंगपंचमी खेळणे शुभ आहे

ज्योतिषशास्त्रानुसार ग्रहणाच्या आधी सुतकचा काळ सुरू होतो. या काळात पूजा, शुभ कार्यक्रम, शुभ समारंभ आणि धार्मिक विधी करण्यास मनाई आहे. म्हणूनच, लोकांना ग्रहण संपल्यानंतरच पूजा करण्याचा आणि शुद्धीकरण स्नान केल्यानंतरच धार्मिक कार्य करण्याचा सल्ला दिला जातो.

एकंदरीत भाद्र आणि चंद्रग्रहणामुळे यावेळी होळीच्या तारखांमध्ये निश्चितच फरक आहे, परंतु ज्योतिषशास्त्राच्या दृष्टिकोनातून, 4 मार्च 2026 रोजी रंगपंचमीचा सण उत्साहात साजरा करणे सर्वात शुभ आणि योग्य मानले जाते.

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)