एन. रघुरामन यांचा कॉलम:दिवाळी मिलन ट्रेंड, लोकांना खाद्यपदार्थांचे मूळ जाणून घेणे आवडत आहे

तु म्ही कधी ‘मँगो स्वीट राइस आइस्क्रीम’ नावाच्या डेझर्टबद्दल ऐकले आहे का किंवा कुणाला आपल्या संपूर्ण मेन्यूला ‘ब्युटिरिशन’ (ब्युटी आणि न्यूट्रिशन मिळून बनलेला शब्द) म्हणताना ऐकले आहे का? जर नाही, तर हा लेख लक्षपूर्वक वाचा आणि जाणून घ्या की 2०26 च्या दिवाळीसाठी श्रीमंतांमध्ये फूड सेगमेंटबाबत कोणता ट्रेंड सुरू आहे. माझ्यासारखे लोक जिथे नवीन कपडे आणि मिठाई खरेदी करण्यासाठी पुढच्या महिन्याच्या पगाराची वाट पाहत आहेत, तिथे श्रीमंतांच्या स्वयंपाकघरांमध्ये यावर ‘डायनरमीट’ सुरू असेल की दिवाळी मिलनसाठी पाहुण्यांकरिता कशा प्रकारचा खास मेन्यू तयार करावा. ‘डायनरमीट’- हा शब्द मी बनवला आहे, ज्याचा अर्थ मेन्यूवर चर्चा करण्यासाठी मीटिंग असा आहे. विशेष म्हणजे या बैठकांमध्ये फूड ॲडव्हायझर, फूड सायंटिस्ट, फूड एक्सपर्ट, फूड क्युरेटर, फूड ॲम्बेसेडर आणि फूड डेकोरेटरसह अनेक लोक असतात. या सर्वांना मिळून ‘ट्रेंड्स कौन्सिल’ म्हटले जाते आणि ॲमेझॉनच्या मालकीच्या ग्रोसरी रिटेलर कंपन्या त्यांना कामावरही ठेवतात. हे व्यावसायिक केवळ इंग्रीडिएंट्सवरच चर्चा करत नाहीत, तर प्रीबायोटिक सोडा, खाण्याच्या पदार्थांमध्ये ओमेगा-3 फॅटी ॲसिड आणि व्हिटामिन-डी च्या प्रमाणावरही बोलतात. आधी ते इटिंग हॅबिट्सच्या ट्रेंडवर चर्चा करतात आणि नंतर नवीन फ्लेवर आणि टेक्सचर कॉम्बिनेशन बनवण्यासाठी खाण्याच्या पदार्थांसोबत प्रयोग करतात. या पद्धतीला ‘डिश रीइन्व्हेन्शन’ म्हणतात, ज्यात पाहुण्यांना त्यांच्या आवडीचे अनोखे फूड कॉम्बिनेशन बनवण्यास सांगितले जाते. खाण्यापिण्याच्या पदार्थांचे नवीन प्रयोग केवळ कंपन्याच त्यांच्या बोर्डरूममध्ये करत नाहीत, तर श्रीमंतांच्या स्वयंपाकघरांमध्येही ही आयडिया फॉलो केली जात आहे. याची सुरुवात 2०15 मध्ये झाली होती, जेव्हा ट्रेंड्स कौन्सिलच्या सदस्यांनी आपले प्रिडिक्शन देण्यास सुरुवात केली आणि ही एक इंडस्ट्री प्रॅक्टिस बनली. कारण ग्राहकांना आपले अन्न कुठून आले आहे हे जाणून घेणे आवडते, त्यामुळे श्रीमंत कुटुंबांनीही पाहुण्यांना आपला बनवलेला पदार्थ दाखवण्यासाठी आणि त्याबद्दल समजावून सांगण्यासाठी ही शैली स्वीकारली आहे. ‘ब्युटिरिशन’ देखील असाच एक ट्रेंड आहे, ज्यात यजमान मेन्यूबद्दल सांगतात की यात कोलेजन, अँटिऑक्सिडंट्स, फायदेशीर फॅट आणि हायड्रेशनचे प्रमाण किती आहे, जे तुमची त्वचा उजळवू शकते. मला ज्या डेझर्टने आकर्षित केले, ते होते ‘मँगो स्वीट राइस आइस्क्रीम’. हे बनवण्यासाठी शेफ शिजवलेला, गरम आणि चिकट तांदूळ घेतात, ज्याला अनेकदा ‘स्वीट राइस’ म्हटले जाते. मात्र, ना हा तांदूळ गोड असतो आणि ना यात ग्लूटेन असते. मग त्याला मऊ करण्यासाठी त्यात कोकोनट मिल्क मिसळतात. दोन्ही मिक्सरमध्ये टाकून तांदळाला अगदी मऊ आणि सिल्की प्युरीसारखे बनवले जाते. यामध्ये अधिक चांगला रंग आणि गोडव्यासाठी पिकलेले आणि फ्रेश हनी मँगो मिसळले जातात. हे पुन्हा मिक्सरमध्ये फिरवतात. त्यानंतर डेकोरेटर प्युरीला एक आकार दिल्यानंतर त्यावर पिस्ता किंवा रोस्टेड बदामाचे पातळ आणि व्यवस्थित कापलेले तुकडे भुरभुरतो. याला सेट होण्यासाठी पूर्ण एक दिवस लागतो आणि दुसऱ्या दिवशी तुम्ही हे उघडून ‘मँगो स्वीट राइस आइस्क्रीम’ काढू शकता. माझ्यासाठी आइस्क्रीम मशीनशिवाय उत्तम आइस्क्रीम बनवण्याचा हा पहिलाच अनुभव होता. हल्ली कडू इंग्रीडिएंट्स जास्त चलनात आहेत. ग्राहक आणि पाहुणे कडू इंग्रीडिएंट्सकडे जास्त आकर्षित होताना दिसत आहेत. कदाचित डायजेस्टिव्ह वेलनेसवरील वाढत्या फोकसमुळे असे होत आहे. अशा वेळी नॉन-अल्कोहोलिक कॉकटेल आणि ब्रोकोली रेबे व डँडेलियन ग्रीन्ससारख्या कडू हिरव्या भाज्या वाढल्या जात आहेत. ब्रोकोली रेबे ही इटलीची एक पारंपरिक पालेभाजी आहे, जिचा संबंध शलजम फॅमिलीशी आहे. यामध्ये मऊ देठ आणि ब्रोकोलीसारख्या छोट्या-छोट्या कळ्या असतात. याचा फ्लेवर बोल्ड आणि किंचित कडू असतो, ज्याला संतुलित करण्यासाठी यात पुरेसा लसूण आणि ऑलिव्ह ऑइल मिसळतात. डँडेलियन ग्रीन्स ही सूर्यफूल फॅमिलीची गावठी पालेभाजी आहे. ती तिच्या तिखट, मिरचीदार चवीसाठी आणि मातीसारख्या कडवटपणासाठी ओळखली जाते, जी सिझनिंग आणि ॲसिडिक गोष्टी मिसळून सौम्य केली जाते. आता बीन्स, चणे आणि शेंगा केवळ साइड डिशेस राहिलेल्या नाहीत. हल्ली रात्रीच्या जेवणात प्रोटीन आणि फायबर-रिच डाएट म्हणून ते खूप योगदान देत आहेत.