IPL 2022 : फायनलमध्ये होणार धमाल; रणवीर सिंह, ए.आर. रेहमान स्टेडीयम मध्ये पोहोचले,

मुंबई : यंदाच्या आयपीएलच्या १५ व्या पर्वाची सांगता आज सायंकाळी ८ वाजता होणार असून या क्लोजिंग सेरेमनीत बॉलिवूडचे दिग्गज स्टार्स नृत्य सादर करणार आहेत. गुजरात टायटन्स (Gujrat Titans) आणि राजस्थान रॉयल्स (Rajasthan Royals) मध्ये यंदाच्या मोसमाचा अंतिम सामना होणार आहे. गुजरातच्या अहमदाबादमध्ये नरेंद्र मोदी स्टेडीयम मध्ये हा रंगतदार सामना होणार असून प्रेक्षकांची उत्सुकता शिगेला पोहोचली आहे. दरम्यान, फायनल सुरु होण्याआधी क्लोजिंग सेरेमनीची (Closing Ceremony) धमाल होणार आहे. ६५ मिनिटं बॉलिवूड स्टार्स त्यांच्या जलवा स्टेजवर सादर करणार आहे.

आयपीएलच्या क्लोजिंग सेरेमनीत ऑस्कर अवॉर्ड विजेते संगीतकार ए.आर. रेहमान ( A R Rahman), बॉलिवूड अभिनेता रणवीर सिंहआणि गायिका नीती सिंग मोहन नृत्य सादर करणार आहेत. ए.आर.रेहमान आणि नीती मोहन स्टेडीयम मध्ये पोहोचल्या असून त्यांनी सरावही सुरु केला आहे. नीती मोहनने तिच्या ट्विटर अकाउंटवर एक व्हिडिओही शेअर केला आहे.