पुणे क्राईम: खून, दरोड्याचे ११९ गुन्हे असलेला 'मोस्ट वाँटेड' गजाआड; दरोड्याचा कट पोलिसांनी केला उधळ!

पुणे: पुणे शहर गुन्हे शाखेने एका धाडसी कारवाईत दरोडा टाकण्याच्या तयारीत असलेल्या एका कुख्यात टोळीला पकडून मोठा अनर्थ टाळला आहे. या कारवाईत पोलिसांनी अशा गुन्हेगाराला अटक केली आहे, ज्याच्यावर महाराष्ट्रात तब्बल ११९ गंभीर गुन्हे दाखल आहेत.

 

नेमकी घटना काय?
१० जून रोजी पुणे गुन्हे शाखेच्या युनिट ६ चे पथक हद्दीत 'कॉम्बिंग ऑपरेशन' राबवत होते. यावेळी त्यांना मांजरी परिसरात एक चारचाकी वाहन संशयास्पदरित्या उभे असल्याचे दिसून आले. पोलिसांची गाडी जवळ येताच वाहनातील संशयित व्यक्तींनी पळून जाण्याचा प्रयत्न केला. मात्र, पोलिसांनी तत्परता दाखवत पाठलाग करून तीन आरोपींना ताब्यात घेतले. अंधाराचा फायदा घेऊन काही जण तेथून पळून जाण्यात यशस्वी झाले, त्यांचा शोध सुरू आहे.

आरोपी आणि जप्त केलेला मुद्देमाल:
अटक करण्यात आलेल्या आरोपींची नावे अजयसिंग अर्जुनसिंग दुधानी, रामजितसिंग रणजितसिंग टाक आणि अभयसिंग सिकंदरसिंग जुन्नी अशी आहेत. यात मुख्य आरोपी अजयसिंग दुधानी हा सराईत गुन्हेगार असून त्याच्या नावावर खून, दरोडा, चोरी यांसारख्या गंभीर स्वरूपाचे तब्बल ११९ गुन्हे नोंद आहेत.

पोलिसांनी त्यांच्याकडून ३ गावठी पिस्तूल, ४ जिवंत काडतुसे, कोयते आणि इतर धारदार शस्त्रसाठा जप्त केला आहे. ही टोळी एखाद्या मोठ्या दरोड्याच्या तयारीत होती, मात्र पोलिसांच्या सतर्कतेमुळे मोठी दुर्घटना टळली आहे. सध्या गुन्हे शाखा अधिक तपास करत असून पळालेल्या आरोपींचा शोध घेत आहे.

 

सविस्तर वाचा, लिंक कमेंट मध्ये  https://punenews24.in/