Sharad Pawar: शरद पवारांची प्रकृती कशी आहे?, नेमकं काय झालं? रोहित पवार म्हणाले…

राष्ट्रवादी काँग्रेसचे सर्वेसर्वा शरद पवार यांची प्रकृती बिघडली असून त्यांच्यावर सध्या पुण्यातील रूबी हॉल क्लिनिकमध्ये उपचार सुरू आहेत. शरद पवार यांच्यासोबत त्यांची मुलगी आणि खासदार सुप्रिया सुळे या देखील आहेत. त्यानंतर रोहित पवार हे देखील रुबी हॉल क्लिनिकला आले त्यांनी शरद पवार यांची भेट घेतली. त्यानंतर त्यांनी माध्यमांशी संवाद साधत शरद पवार यांच्या प्रकृतीबाबचे महत्वाची माहिती सांगितले. रोहित पवार म्हणाले की, 'सर्व कार्यकर्त्यांना विनंती करतो की अजिबात हॉस्पिटलला येऊ नका. पवारसाहेबांची प्रकृती नॉर्मल आहेत. ते आयसीयूमध्ये नाहीत. एका प्रायव्हेट रुममध्ये त्यांच्यावर उपचार सुरू आहेत. मी स्वत: त्याच्याशी चर्च करून आलो आहे. त्यामुळे घाबरण्यासारखं आणि कोणतेही टेन्शन घेण्यासारखं अजिबात नाही.'

तंसच, 'शरद पवारांना फिजिकल स्ट्रेस आला आहे. गेल्या १२-१३ दिवसांत पवारसाहेब स्वत: बऱ्याच ठिकाणी जात होते आणि लोकांना भेटत होते. त्यामुळे थोडासा स्ट्रेस आला आहे. कफ थोड्या प्रमाणात झाला आहे. पुढच्या थोड्या वेळात रिपोर्ट येतील. इथेच एक- दोन दिवस त्यांना ठेवले जाईल. त्यानंतर त्यांच्याच प्रायव्हेट कारने त्यांना मुंबईला नेले जाईल. इतर पेशंटच्या हितासाठी इते कुणीही गर्दी करू नये. पवारसाहेबांना कुणालाही भेटता येणार नाही. हॉस्पिटलचा प्रोटोकॉल योग्य पद्धतीने फॉलो केला पाहिजे असे आमच्या सर्वांचे मत आहे.', असे देखील रोहित पवार यांनी कार्यकर्त्यांना आवाहन केले.