पुणे मुंबई एक्स्प्रेस वे वर ओझर्डे गावानजीक भीषण अपघात; एक ठार, दाेन जखमी

मावळ : पुणे मुंबई एक्स्प्रेस वे वर ओझर्डे गावच्या हद्दीत कंटेनरला पीकअप गाडीने मागून धडक दिल्याने या अपघातात एक ठार तर दोन गंभीर जखमी झाले आहेत. हा अपघात आज (साेमवार) सकाळी सहाच्या दरम्यान झाला.

पुण्यावरून मुंबईला कोंबड्यांची वाहतूक करणारा पीकअप टेम्पोच्या चालकाने भरधाव जाणाऱ्या कंटेनरला मागून जोरात धडक दिली. त्यामुळे हा अपघात झाला. काही काळ या पुणे मुंबई मार्गिकेवरची वाहतूक ठप्प झाली होती.

या अपघातात एक जण ठार झाला असून दाेन्ही जखमींना ट्रॉमा केअर सेंटरला दाखल करण्यात आले आहे. अपघातग्रस्त वाहने बाजूला करुन वाहतुक सुरळीत करण्यात आली आहे.