Pune : ‘लाडका दादा गेला…’ सुप्रिया सुळेंच्या WhatsApp स्टेटसमधून भावनिक भावना व्यक्त; काय म्हणाल्या?

Pune : उपमुख्यमंत्री अजित पवार यांचा विमान अपघातात दुर्दैवी मृत्यू झाला. जिल्हा परिषद निवडणुकांच्या प्रचार सभांच्या निमित्ताने अजित पवार मुंबईहून बारामती दौऱ्याला निघाले होते. मात्र बारामतीत विमान लँड करताना अपघात होऊन विमानाने पेट घेतला. यामध्ये अजित पवार यांच्यासह विमानातील पाचही जणांचा मृत्यू झाला. वयाच्या अवघ्या 66 व्या वर्षी त्यांनी अखेरचा श्वास घेतला. अजित पवार यांच्या निधनाने पवार कुटुंबासह राष्ट्रवादीच्या समर्थकांवर शोककळा पसरली आहे. अजित पवार यांच्या भगिनी आणि लोकसभा खासदार सुप्रिया सुळे यांची अवस्था बिकट झाली असून त्यांचे व्हॉट्सअप स्टेटस समोर आलं आहे.

अजित पवार यांचे विमान सकाळी सव्वानऊ वाजताच्या सुमारास बारामतीत लँड होणार होते. त्यावेळी विमान कोसळून त्याने पेट घेतला. या अपघातात उपमुख्यमंत्री अजित पवार यांच्यासह विमानातील सर्व पाच प्रवाशांचा मृत्यू झाला. ज्या बारामतीत अजित दादाचं राजकारण बहरलं, तिथेच त्यांनी अखेरचा श्वास घेतला. अजित पवार आणि बारामती हे एकजीव समीकरण झालं होतं. अजितदादा गेल्या 44 वर्षांपासून राजकारणात सक्रिय होते. त्यांनी आठवेळा उपमुख्यमंत्रिपद भूषवलं, मात्र मुख्यमंत्रिपद सांभाळण्याची त्यांची उर्मी कायमची हरपली. त्यांनी अर्थमंत्रिपदासह ऊर्जा, ग्रामविकास मंत्रालयाची धुराही सांभाळली आहे.

Mumbai : मोठा भाऊ गेल्याचं दु:ख, कधीही न भरुन निघणारं हे नुकसान; अजित दादांच्या निधनानंतर एकनाथ शिंदे भावूक

सुप्रिया सुळे यांची प्रतिक्रिया काय?
'डिवास्टेटेड' अर्थात उद्ध्वस्त अशा एका शब्दात सुप्रिया सुळे यांनी आपल्या भावना व्यक्त केल्या आहेत. खरं तर राष्ट्रवादी काँग्रेस पक्षात फूट पडल्यानंतर पवार कुटुंबातही दुही आली. परंतु नुकत्याच झालेल्या महापालिका निवडणुकांना पुणे आणि पिंपरी चिंचवड येथे दोन्ही राष्ट्रवादी एकत्र सामोऱ्या गेल्या. काही काळापूर्वी अजितदादांचे धाकटे पुत्र जय पवार यांचे बहारीनमध्ये लग्न झाले. त्यानंतर पवार कुटुंबही एकत्र झाल्याचं चित्र दिसलं. शरद पवार यांच्यासोबतच अजितदादाही कुटुंबातील प्रमुख कर्त्या पुरुषांपैकी एक झाले.

अपघात झाला त्यावेळी अजित पवार यांच्या पत्नी, राज्यसभा खासदार सुनेत्रा पवार, तसेच सुप्रिया सुळे, दिग्गज नेते शरद पवार हे केंद्रीय अर्थसंकल्पीय अधिवेशनाच्या निमित्ताने दिल्लीत होते. त्यांच्यासोबत अजितदादांचे सुपुत्र पार्थ पवारही राजधानीत होते. अजित पवार यांच्या अपघाताची बातमी मिळताच सर्व जण बारामतीला रवाना झाले आहेत. बारामतीत असलेले अजित पवार यांचे पुतणे युगेंद्र पवार यांचीही रडून रडून वाईट अवस्था झाली. तर रोहित पवार यांच्याही अश्रूंचा बांध फुटला.