SRH vs GT Live : हैदराबादची दमदार सुरूवात

मुंबई : आयपीएलच्या 21 व्या सामन्यात हैदराबादने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करणाऱ्या गुजरातची सुरूवात खराब झाली. पॉवर प्लेमध्येच त्यांच्या दोन विकेट पडल्या. गेल्या सामन्यात 96 धावांची खेळी करणाऱ्या शुभमन गिलला भुवनेश्वरने 7 धावांवर बाद केले. त्यानंतर नटराजनने साई सुदर्शनचा (11) अडसर दूर केला.

यानंतर कर्णधार हार्दिक पांड्याने डाव सावरण्यास सुरूवात केली. मात्र मॅथ्यू वेडने 19 चेंडूत 19 धावा करून त्याची साथ सोडली. त्यानंतर हार्दिक संघाला शतकाजवळ घेऊन गेला. मात्र डेव्हिड मिलर पुन्हा एकदा मोठी खेळी अपयशी ठरला. त्याला मार्को जेनसेनने 12 धावांवर बाद केले. गुजरातची 4 बाद 104 धावा अशी अवस्था झाली असताना हार्दिक पांड्या आणि अभिनव मनोहरने डाव सावरला.

मनोहरने 21 चेंडूत 35 धावांची आक्रमक खेळी करत गुजरातला 150 चा टप्पा पार करून दिला. मात्र 19 व्या षटकात तो बाद झाला. राहुल तेवतिया देखील 6 धावांची भर घालून परतला दरम्यान, हार्दिक पांड्याने आपले अर्धशतक पूर्ण करत संघाला 162 धावांपर्यंत पोहचवले.

हैदराबादला दमदार सुरुवात करून देणारी जोडी अखेर राशिद खानने फोडली. त्याने 32 चेंडूत 42 धावा करणाऱ्या अभिषेक शर्माला बाद केले.