Pune Traffic changes : पुण्यात वाहतुकीत मोठा बदल, काही रस्ते बंद, काही मार्गात बदल

Traffic changes in place for New Year’s Eve : सरत्या वर्षाला निरोप देऊन नववर्षाचे स्वागत करण्यासाठी पुणेकर मोठ्या प्रमाणात घराबाहेर पडतात, त्यामुळे वाहतूक कोंडी होते. त्यामुळे पुण्यात काही परिसरात वाहतुकीत मोठा बदल करण्यात आलाय. कॅम्प परिसरातील महात्मा गांधी रस्ता, तसेच फर्ग्युसन रस्ता, जंगली महाराज रस्त्यावर होणारी गर्दी पाहाता वाहतुकीत बदल करण्यात आलाय.

३१ डिसेंबर रोजी सायंकाळी पाचनंतर कॅम्प आणि डेक्कन जिमखाना भागात वाहतूक बदल करण्यात आलाय. काही ठिकाणी No Vehicle Zones आणि ड्रंक अन् ड्राईव्हची तपासणी करण्यात येणार आहे. पुणे पोलिसांनी नागरिकांवर करडी नजर असेल. ३१ डिसेंबर, सायंकाळी पाच वाजल्यानंतर वाहतूक निर्बंध सुरू होईल. लोकांची गर्दी कमी होईपर्यंत हे निर्बंध कायम राहतील. फर्ग्युसन कॉलेज रोड आणि महात्मा गांधी रोड हे ‘नो व्हेईकल झोन’ असतील.

पुणे वाहतुकीत काय बदल झाला?

फर्गुस कॉलेज रोड : गुड लक हॉटेल ते फर्गुसन कॉलेज मेन गेटपर्यंत वाहतूक बंद राहील.महात्मा गांधी रोड : महात्मा गांधी रस्त्यावरील १५ ऑगस्ट चौक ते अरोरा टॉवर्स चौकदरम्यान वाहनांना प्रवेश बंद करण्यात येणार आहे. येथील वाहतूक खुरेशी मस्जीद आणि सुजाता मस्तानी चौकाकडे वळवण्यात आली.

Mumbai-Nashik highway : मुंबई-नाशिक महामार्गावर वाहनांच्या लांबच लांब रांगा, खासदार बाळ्या मामा उतरले रस्त्यावर

इस्कॉन मंदिराकडून डॉ. बाबासाहेब आंबेडकर रस्ता, तसेच अरोरा टॉवर्सकडे जाणारी वाहतूक बंद ठेवण्यात येणार आहे.

व्होल्गा चौकातून महंमद रफी चौकाकडे जाणारी वाहतूक बंद ठेवण्यात येणार आहे. या भागातील वाहतूक ईस्ट स्ट्रीटवरून इंदिरा गांधी चौकाकडे वळविण्यात आली आहे.इंदिरा गांधी चौकातून महावीर चौकाकडे जाणारी वाहतूक पूर्णपणे बंद ठेवण्यात आली आहे. ही वाहतूक लष्कर पोलीस ठाण्याकडे वळवण्यात आली.

सरबतवाला चौकातून महावीर चौकाकडे जाणारी वाहतूक बंद करण्यात आली आहे. ही वाहतूक ताबूत रस्त्यावर वळवण्यात आली.डेक्कन भागातील वाहतुकीत बदल काय? कोथरूडकडून फर्गुसन कॉलेजला जाणारी वाहतूक खंडुजीबाबा चौक येथे थांबविण्यात येणार आहे. या भागातील वाहतूक विधी महाविद्यालय रस्ता, प्रभात रस्ता, अलका चित्रपटगृहाकडे वळविण्यात आली आहे.

जंगली महाराज रस्त्यावर होणारी गर्दी विचारात घेऊन झाशीची राणी चौकातून वाहतूक बंद करण्यात आली. या भागातील वाहतूक गोखले स्मारक चौक, पुणे महापालिका भवन, ओंकारेश्वर मंदिर, छत्रपती शिवाजी महाराज रस्तामार्गे वळवण्यात आली.फर्ग्युसन कॉलेज रोड आणि महात्मा गांधी रोडवर ३१ डिसेंबरला संध्याकाळी ५ ते १ जानेवारीला पहाटे ५ वाजेपर्यंत पार्किंगला बंदी असेल.