Nashik Plane Crash : नाशिकमध्ये वायूदलाचे विमान कोसळले, दोन्ही पायलट पॅराशूटच्या सहाय्याने पडले बाहेर

Nashik Plane Crash : नाशिकमध्ये वायू दलाचे विमान कोसळल्याची घटना घडली आहे. नाशिकच्या पिंपळगावातील शिरसगाव परिसरात वायू दलाचे मिग विमान कोसळलं. या दुर्घटनेत सुदैवाने जीवितहानी झाली नाही. पायलट पॅराशूटच्या साहाय्याने विमानाबाहेर पडल्याने तो सुखरूप आहे. विमान ज्याठिकाणी कोसळले तिथे सगळीकडे धुराचे लोट पाहायला मिळत आहेत.

मिळालेल्या माहितीनुसार, नाशिकमध्ये दुपारच्या सुमारास वायूदलाचे विमान अचानक कोसळले. पिंपळगावातील शिरसगाव परिसरातील शेतामध्ये हे विमान कोसळले. शेतामध्ये कोणीच काम करत नसल्यामुळे आणि पायलट वेळीच पॅराशूटच्या सहाय्याने विमानातून बाहेर पडल्यामुळे सुदैवाने जीवितहानी झाली नसल्याची माहिती समोर आली आहे.

Maharashtra Politics : महाराष्ट्रात महाविकास आघाडीची जोरदार मुसंडी; महायुतीचे अनेक उमेदवार पिछाडीवर, वाचा आकडेवारी

या घटनेची माहिती मिळताच वायूदलाच्या बचाव पथकाचं हेलिकॉप्टरच्या सहाय्याने घटनास्थळी धाव घेतली आहे. विमानाला लागलेली आग विझवण्यासाठी शर्थीचे प्रयत्न सुरू आहेत. सुदैवानं पॅराशूटच्या मदतीनं दोन्ही पायलट बाहेर पडल्याने जीवितहानी झाली नाही. पण या घटनेमध्ये एक पायलट जखमी झाला आहे. विमानात तांत्रिक बिघाड झाल्याने विमान कोसळल्याची प्राथमिक माहिती समोर आली आहे.