Karad News : शेततळ्यात बुडून महिलेसह दोन बालिकांचा मृत्यू; सहा जणांना वाचविण्यात यश

कराड : कराड तालुक्यातील पाडळी येथे शेततळ्यात पोहायला गेलेल्या तिन जणांचा बुडून मृत्यू झाला. यात महिलेसह दोन लहान मुलींचा समावेश आहे. सदर घटना आज सकाळी दहा वाजण्याच्या सुमारास घडली. 

पाडळी येथे आज सकाळी दहा वाजण्याच्या सुमारास रागिणी रामचंद्र खडतरे (वय ४), वैष्णवी गणेश खडतरे (वय १५) व शोभा नितीन घोडके (वय ३२) यांच्‍यासह अन्‍य काहीजण पोहण्यासाठी गेले होते. पोहत असताना पाण्याच्‍या खोलीचा अंदाज न आल्‍याने मुली बुडू लागल्‍या. त्‍यांना वाचविण्यासाठी काहीजण गेली. परंतु, यश मिळाले नाही.

परिसर हादरला

शेततळ्यावर पोहण्यासाठी सुमारे नऊ ते दहा जण गेले होते. यावेळी तिघी जणांचा पाण्यात बुडून मृत्यू झाला. तर सहा जणांना वाचवण्यात यश आले. या घटनेने संपूर्ण पाडळी परिसर हादरुन गेला. या घटनेची नोंद मसूर पोलीस ठाण्यात झाली आहे.