मुंबई : मला खोट्या आरोपाखाली अडकविण्यात आलं; तुरुंगातून बाहेर आल्यानंतर अनिल देशमुखांची पहिली प्रतिक्रिया

माजी गृहमंत्री अनिल देशमुखांची तुरुंगातून जामिनावर सुटका झाली आहे. अनिल देशमुख मुंबईच्या ऑर्थर रोड कारागृहातून बाहेर पडले आहे. ऑर्थर रोड कारागृहातून बाहेर पडल्यानंतर अनिल देशमुखांनी पहिली प्रतिक्रिया दिली. 'मला खोट्या आरोपाखाली अडकविण्यात आलं, असा आरोप अनिल देशमुख यांनी केला.

अनिल देशमुख तुरुंगातून बाहेर पडल्यानंतर प्रसारमाध्यमांशी संवाद साधला. अनिल देशमुख म्हणाले, 'मला खोट्या आरोपांमध्ये फसवण्यात आलं आहे. मुंबईचे माजी पोलीस आयुक्त परमबीर सिंह यांनी माझ्यावर १०० कोटींच्या वसुलीचे खोटे आरोप केले. त्यांची चांदीवाल आयोगाकडे प्रतीज्ञापत्र सादर करत म्हटलं की, मी अनिल देशमुखांवर जे आरोप केले आहेत ते ऐकीव माहितीवर केले आहेत, माझ्याकडे याबाबत पुरावे नाहीत'.