टेक जगतात खळबळ! कृत्रिम बुद्धिमत्तेवर (AI) प्रचंड खर्चाच्या पार्श्वभूमीवर मायक्रोसॉफ्टची मोठी घोषणा; भारतसह चार देशांतील ६०,००० कर्मचाऱ्यांना स्वैच्छिक बाहेर पडण्याचा (VEO) प्रस्ताव!

टेक जगतातील दिग्गज आणि जागतिक कंपनी असलेल्या मायक्रोसॉफ्ट (Microsoft) कंपनीने आपल्या कर्मचाऱ्यांसाठी एक अत्यंत मोठा आणि महत्त्वाचा निर्णय घेतला आहे. आर्टिफिशियल इंटेलिजन्स (AI), क्लाउड कंप्यूटिंग आणि डेटा सेंटरच्या infrastructure वर मोठ्या प्रमाणावर खर्च केंद्रित करण्यासाठी कंपनीने आपल्या मनुष्यबळाची पुनर्रचना (Workforce Restructuring) सुरू केली आहे. याचाच एक भाग म्हणून मायक्रोसॉफ्टने भारत, अमेरिका, युनायटेड किंगडम (युके) आणि कॅनडा या चार प्रमुख देशांमधील तब्बल ६०,००० हून अधिक कर्मचाऱ्यांसाठी 'स्वैच्छिक बाहेर पडण्याचा प्रस्ताव' (VEO - Voluntary Exit Offer) जाहीर केला आहे. हा प्रस्ताव पूर्णपणे ऐच्छिक असून, ज्या कर्मचाऱ्यांना कंपनीबाहेर पडून नवीन करिअर किंवा संधी शोधायची आहे, त्यांना कंपनीकडून आर्थिक मदत व पॅकेज दिले जाणार आहे.

कोन आहेत या प्रस्तावासाठी पात्र (Eligibility)?

मायक्रोसॉफ्टच्या या नव्या योजनेनुसार, कंपनीच्या अंतर्गत श्रेणीनुसार (Level 70 and below) ७० किंवा त्यापेक्षा खालील स्तरावर काम करणारे पात्र कर्मचारी या पर्यायाचा लाभ घेऊ शकतात. यामध्ये सामान्य व्यवस्थापक (General Managers) आणि काही वरिष्ठ पदांचा समावेश असला तरी सर्वोच्च अधिकारी वगळण्यात आले आहेत. भारताचा विचार केला तर मायक्रोसॉफ्टमध्ये जवळपास २३,००० कर्मचारी कार्यरत आहेत, त्यापैकी किती कर्मचारी या निकषात बसतात याबाबतचे चित्र स्पष्ट होत असले तरी, पात्र कर्मचाऱ्यांना कंपनीकडून ईमेलद्वारे सविस्तर तपशील पाठवण्यात आला आहे. या प्रस्तावाचा स्वीकार करायचा की नाही हे ठरवण्यासाठी कर्मचाऱ्यांना डिसेंबर महिन्यापर्यंतची मुदत देण्यात आली असून, ज्यांना हा प्रस्ताव मान्य असेल ते ३१ डिसेंबरपर्यंत अधिकृतपणे कंपनीपासून वेगळे होऊ शकतात.

कृत्रिम बुद्धिमत्तेचा (AI) वाढता खर्च आणि कंपनीची रणनीती:

मायक्रोसॉफ्ट सध्या ओपनएआय (OpenAI) सोबतच स्वतःच्या AI प्रकल्पांवर आणि हाय-टेक डेटा सेंटर्स उभारण्यासाठी अब्जावधी डॉलर्सची गुंतवणूक करत आहे. २०२६ या कॅलेंडर वर्षात कंपनीचा भांडवली खर्च (Capex) अंदाजे १७५ अब्ज डॉलरपर्यंत पोहोचण्याचा अंदाज वर्तवला गेला आहे. भविष्यातील तंत्रज्ञानाचे बदल आणि वाढत्या आव्हानांचा सामना करण्यासाठी कंपनी आपल्या सध्याच्या व्यावसायिक गरजांनुसार मनुष्यबळात बदल करत आहे. सक्तीची कपात (Layoffs) करण्याऐवजी कर्मचाऱ्यांना आर्थिक पॅकेज आणि करिअर ट्रान्झिशन सेवांसह स्वेच्छिक बाहेर पडण्याचा हा पर्याय दिल्यामुळे टेक उद्योगात या निर्णयाची जोरदार चर्चा सुरू आहे.