पॅन कार्ड हवे आहे? फक्त 107 रुपये भरा आणि घरबसल्या मिळवा, जाणून घ्या संपूर्ण प्रक्रिया

आजच्या डिजीटल युगात पॅन कार्ड (Permanent Account Number) हे केवळ आयकर भरण्यासाठीच नाही, तर बँक खाते उघडणे, दागिने खरेदी करणे, वाहन खरेदी करण्यापासून इतर कोणत्याही मोठ्या आर्थिक व्यवहारासाठी अनिवार्य झाले आहे. अनेकदा नागरिक हे कार्ड काढण्यासाठी एजंटकडे जातात. त्यावेळी तो एजंट त्यांच्याकडून जास्तीचे पैसे घेतो. पण आता सर्वसामान्यांसाठी केंद्र सरकारने ही प्रक्रिया आता अत्यंत सोपी केली आहे. तुम्ही घरबसल्या तुमच्या मोबाईल किंवा लॅपटॉपवरून अवघ्या काही मिनिटांत अर्ज करू शकता.

अर्ज करण्यासाठी आवश्यक कागदपत्रे (Required Documents):

ओळख आणि पत्त्याचा पुरावा: आधार कार्ड (सर्वात सोपा पर्याय कारण यात नाव, पत्ता आणि जन्मतारीख तिन्ही असते).

जन्मतारीख पुरावा: जन्म दाखला, १० वीचे प्रमाणपत्र किंवा आधार कार्ड

फोटो आणि स्वाक्षरी: पासपोर्ट आकाराचा फोटो आणि पांढऱ्या कागदावर केलेली स्वाक्षरी (स्कॅन केलेली)

पॅन कार्डसाठी कसे अप्लाय कराल?

१. अधिकृत वेबसाइटला भेट द्या

सर्वप्रथम Protean (आधीची NSDL) च्या अधिकृत वेबसाइटवर जा. तिथे ‘Tax Modernization’ विभागात जाऊन ‘PAN’ पर्याय निवडा. तुम्ही थेट ‘Online PAN Application’ पोर्टलवर देखील जाऊ शकता.

२. अर्ज प्रकार निवडा

जर तुम्ही पहिल्यांदाच पॅन कार्ड काढत असाल, तर ‘New PAN – Indian Citizen (Form 49A)’ हा पर्याय निवडा.

परदेशी नागरिकांसाठी ‘Form 49AA’ हा पर्याय असतो.

यामध्ये ‘Individual’ (वैयक्तिक) हा पर्याय निवडा.

३. वैयक्तिक माहिती भरा

तुमचे आडनाव, नाव, जन्मतारीख, ईमेल आयडी आणि मोबाईल नंबर काळजीपूर्वक भरा. ही माहिती तुमच्या आधार कार्डवरील माहितीशी तंतोतंत जुळणे आवश्यक आहे. माहिती भरल्यानंतर तुम्हाला एक Token Number मिळेल, जो भविष्यातील संदर्भासाठी सेव्ह करून ठेवा.

४. कागदपत्रे कसे सबमिट कराल?

e-KYC (Paperless): यात आधार कार्डवरील माहितीनुसार सर्व प्रक्रिया होते, कोणत्याही प्रत्यक्ष स्वाक्षरीची गरज नसते.

e-Sign (Scanned Images): यात तुम्हाला तुमचा फोटो आणि स्वाक्षरी स्कॅन करून अपलोड करावी लागते.

Physical Documents: यात तुम्हाला कागदपत्रांच्या झेरॉक्स कॉपी या पोस्टाने पाठवाव्या लागतात.

५. फी किंवा शुल्क भरा (Payment)

यानंतर तुम्हाला पॅन कार्डचे शुल्क साधारण १०७ रुपये आहे. जर तुम्हाला प्रत्यक्ष कार्ड हवे असेल तर हे शुल्क तुम्ही क्रेडिट कार्ड, डेबिट कार्ड, नेट बँकिंग किंवा UPI द्वारे भरू शकता.

६. आधार ऑथेन्टिकेशन (Aadhaar Authentication)

शेवटी, तुमच्या आधारशी लिंक असलेल्या मोबाईल नंबरवर एक OTP येईल. तो प्रविष्ट केल्यावर तुमचा अर्ज ई-व्हेरिफाय (e-Verify) होईल.

अर्ज केल्यानंतर काय होते?

तुम्ही तुमचा अर्ज यशस्वीरित्या सबमिट केल्यानंतर तुम्हाला १५ अंकी Acknowledgment Number मिळेल. याद्वारे तुम्ही तुमच्या अर्जाची स्थिती (Status) ट्रॅक करू शकता. साधारण १० ते १५ दिवसांत पॅन कार्ड तुमच्या घरच्या पत्त्यावर पोस्टाद्वारे येते. तसेच, अर्जाच्या काही दिवसांतच तुमच्या ईमेलवर डिजीटल e-PAN देखील पाठवले जाते.

[embedded content]