घरगुती गॅस पुरवठा वाद: उच्च न्यायालयाची केंद्र सरकार, कंपनीला नोटीस; पुढील सुनावणी सोमवारी

पराग ढोबळे, साम टीव्ही

नागपूर: घरगुती एलपीजी गॅस सिलेंडरचा पुरवठा वाढवण्याच्या मागणीसाठी कॉन्फिडन्स पेट्रोलियम इंडिया कंपनीच्या सहा विक्रेत्यांनी नागपूर खंडपीठात याचिका दाखल केली आहे. या याचिकेवर आज सुनावणी झाली असून हायकोर्टाने केंद्र सरकार, पेट्रोलियम व नैसर्गिक वायू मंत्रालय आणि कॉन्फिडन्स पेट्रोलियम इंडिया कंपनीला नोटीस बजावली आहे. या प्रकरणाची पुढील सुनावणी सोमवारी होणार असून प्रतिवादींना आपले उत्तर दाखल करण्याचे निर्देश न्यायालयाने दिले आहेत.