World Cup 2023 : सुरुवातीला संघर्ष, सेकंड हाफमध्ये यश मिळेल; पुण्याच्या ज्योतिषाने जे जे सांगितलं, वर्ल्डकपमध्ये तेच घडलं, उद्याचं भाकीत काय?

World Cup 2023: अहमदाबादच्या रणांगणात भारत  आणि ऑस्ट्रेलियामध्ये महामुकाबला होणार आहे. विश्वचषकावर कोण नाव कोरणार? याची चर्चा गल्ली ते दिल्लीपर्यंत सुरू आहे. अशातच पुण्यातील एका ज्योतिषाने विश्वविजेता कोण होणार याचं भाकित केलं आहे. विशेष म्हणजे, ज्योतिषांनी याआधी 2023 विश्वचषकातील भारताच्या दहा सामन्यांचं केलेलं भाकित, खरं ठरलंय. आता फायनलआधीही त्यांनी विश्वविजेता कोण? याचं भाकित केलं आहे, त्याचीच सध्या जोरदार चर्चा सुरु आहे.

'2023 चा वर्ल्डकप भारतच जिंकणार'

ज्योतिष अभ्यासक सिद्धेश्वर मारटकर यांनी 11 ऑक्टोबरला विश्वचषक 2023 फायनलच्या सामन्याचं भाकित वर्तवलं होतं. भारताच्या 10 सामन्यांचं भाकित देखील त्यांनी याआधी ज्योतिष अंकातून वर्तवलं होतं, जे खरं ठरलं. सलग साखळी सामने, सेमी फायनल आणि भारताचा अंतिम वर्ल्ड कप सामना भारतच जिंकेल आणि भारत यावर्षीचा विश्वविजेता होईल, असं भाकित ज्योतिष अभ्यासक सिद्धेश्वर मारटकर यांनी केलं आहे. 2023 चा वर्ल्डकप भारतच जिंकणार, असं भाकित ज्योतिषांनी वर्तवलं आहे.

SA Vs AUS : द.आफ्रिका-ऑस्ट्रेलिया उपांत्य फेरीत पावसाचा धोका! सामना वाहून गेल्यास फायनलचे तिकीट कोणाला?

'मंगळाचं परिवर्तन सामन्यासाठी अनुकूल'

खेळासाठी मंगळ हा ग्रह खूप महत्त्वाचा असतो आणि गेले दीड-दोन महिने मंगळाचं स्थान हे भारतासाठी खूप अनुकूल आहे, असं ज्योतिषांनी सांगितलं. भारताची रास मकर आहे आणि गेल्या दीड महिने मंगळ हा तूळ राशीत, म्हणजे भारताच्या दशम स्थानी असल्यामुळे भारत अंतिम सामन्यात उत्तम कामगिरी करेल, असं भाकित वर्तवण्यात आलं आहे.

'भारत 100 टक्के विश्वविजेता बनणार'

16 नोव्हेंबर रोजी मंगळ हा वृश्चिक राशीत आलेला आहे. भारताच्या पत्रिकेमध्ये हा राभ स्थानात आलेला आहे, म्हणजे मोठी इच्छा पूर्ण करणारं असं हे मंगळाचं भ्रमण सध्या सुरू आहे. योगायोगाने आता उद्याचा सामना आणखी अनुकूल का असणार? तर उद्या चंद्र सुद्धा मकर राशीमध्ये आहे, त्यामुळे मकर राशीत असलेला चंद्र हा भारताला 100 टक्के विश्वविजेता बनवेल, यात काही शंका नसल्याचं ज्योतिषांनी म्हटलं आहे.