Venezuela Accident News : भरधाव ट्रकची १७ वाहनांना धडक, १६ जणांचा होरपळून मृत्यू,

Venezuela Accident News : व्हेनेझुएलामध्ये भीषण अपघाताची घटना समोर आली आहे. राजधानी कराकसजवळील महामार्गावर बुधवारी संध्याकाळी झालेल्या या अपघातात  १७ वाहने जळून खाक झाली. तर १६ जणांचा होरपळून मृत्यू जाला आहे. गुरुवारी सकाळी देखील मृतदेह काढण्याची प्रक्रिया सुरू होती. आतापर्यंत १६ जणांचे मृतदेह बाहेर काढण्यात आले आहेत. मृतांचा आकडा वाढण्याची शक्यता आहे.

भीषण अपघाताच्या काही वेळ आधी महामार्गावर एक छोटा अपघात झाला होता. ज्यानंतर मोठा ट्रॅफिक जाम लागला होता. त्यावेळी तेथे एका भरधाव ट्रकने इतर वाहनांना जोरदार धडक दिली. ट्रकमध्ये केमिकल भरलेले असल्याने धडकेनंतर आगीचा भडका उडाला. ही आग पसरत गेली आणि इतर वाहने यात जळून खाक झाली.

Loksabha MP's Suspended : मोठी बातमी! लोकसभेतून १५ खासदारांचे निलंबन; कारण काय?

खराब हवामानामुळे अपघात

खराब हवामानामुळे हा अपघात झाला असल्याची शक्यता आहे. पहिल्या अपघातात ट्रक आणि 3 वाहनांची टक्कर झाली. यानंतर महामार्गावर ठप्प होऊन अनेक वाहने रस्त्यावर उभी होती. त्यानंतर दुसरा ट्रक येऊन वाहनांना धडकला.

खराब हवामानामुळे ड्रायव्हरला जाम दिसला नसावा, असा प्राथमिक अंदाज आहे. मात्र, हायवेचा रस्ता चांगला नसून त्याची देखभालही व्यवस्थित होत नसल्याचे नागरिकांचे म्हणणे आहे.

रस्ते अपघातानंतर पोलिसांनी सांगितले की, ही एक मल्टी व्हेइकल टक्कर होती, ज्यामध्ये अनेक वाहने एकमेकांवर आदळली. महामार्गावरील अपघाताची माहिती मिळताच बचाव पथक घटनास्थळी दाखल झालं. आतापर्यंत मिळालेल्या माहितीनुसार १६ जणांचा मृत्यू झाला आहे. तर अनेकजण जखमी आहेत. जखमींना तातडीने रुग्णालयात दाखल करण्यात आले असून त्यांच्यावर उपचार सुरु आहेत.