Tipu Sultan Photo: टिपू सुलतानच्या फोटोवरून अगोदर खडाजंगी, आता मोठी बातमी, मालेगावात उपमहापौरांच्या दालनात घडलं काय?

Tipu Sultan Photo in Malegaon Municipal Corporation: मालेगाव महानगर पालिकेच्या उपमहापौर शान-ए- हिंद यांनी त्यांच्या उपमहापौर दालनात टिपू सुलतान यांच्या फोटो लावल्याचा व्हिडिओ सोशल मीडियावर जोरदार व्हायरल झाला. त्यावर एकनाथ शिंदे यांच्या शिवसेनेच्या नगरसेवकांनी जोरदार हरकत घेतली. शिवसेना नगरसेवकांनी पालिकेच्या आयुक्त कार्यालयात दाखल झाले. त्यांनी निषेध नोंदवला आणि फोटो काढण्याची मागणी केली. तर हिंदुत्ववादी संघटनाही आक्रमक झाल्या. त्यानंतर आज हा फोटो काढण्यात आला आहे. उपमहापौरांच्या दालनातील हा फोटो हटवण्यात आला आहे.

उपमहापौरांची भूमिका काय?

टिपू सुलतान यांच्या फोटोविरोधात हिंदुत्ववादी संघटना आक्रमक झाल्या होत्या. जो पर्यंत हा फोटो काढत नाहीत तो पर्यंत आम्ही निदर्शन करत राहू त्यानंतर निदर्शन हे आंदोलनात परिवर्तन होईल असा इशारा शिवसेनेकडून यावेळी देण्यात आला. तर टिपू सुलतान हे फ्रिडम फायटर होते. भाजपचे एक खासदार यांनी देखील मान्य केले होते की टिपू सुलतान यांनी इंग्रजांच्या विरोधात लढा दिला. महाराष्ट सरकारने देखील त्यांचा एका गॅजेट्स मध्ये त्यांची जयंती साजरी करावी अस सांगितलं आहे, तर हे विरोध करणारे कोण आहेत ? अशा भाषेत उपमहापौर शान- ए-हिंद यांनी फोटो लावण्याचे समर्थन केले.

तात्काळ फोटो काढण्याची मागणी

तर मालेगाव महानगरपालिकेच्या उपमहापौर कार्यालयात टिपू सुलतान यांचा फोटो लावण्याचा निर्णय हा जाणीवपूर्वक दोन समाजांमध्ये तेढ निर्माण करण्याचा प्रयत्न आहे. उपमहापौरांनी आपल्या पदाची मर्यादा ओलांडली असून हा प्रकार निषेधार्ह आहे. आमची प्रशासनाला स्पष्ट सूचना आहे पुढील ४८ तासांत संबंधित फोटो तात्काळ हटवण्यात यावा आणि या निर्णयासाठी जबाबदार असलेल्या उपमहापौरांवर तात्काळ निलंबनाची कारवाई करण्यात यावी. जर ४८ तासांत कारवाई झाली नाही, तर शिवसेना धर्मवीर अध्यात्मिक सेना मालेगावात येऊन लोकशाही मार्गाने तीव्र आंदोलन उभारेल. त्यानंतर निर्माण होणाऱ्या कोणत्याही कायदा-सुव्यवस्थेच्या परिस्थितीची संपूर्ण जबाबदारी प्रशासनावर राहील. महानगरपालिका ही सर्व समाजाची संस्था आहे. ती कोणत्याही वादग्रस्त व्यक्तीच्या गौरवासाठी वापरली जाणार नाही हा आमचा ठाम इशारा आहे, अशी भूमिका शिवसेना धर्मवीर अध्यात्मिक सेनेचे प्रदेशाध्यक्ष अक्षयमहाराज भोसले यांनी घेतली होती.

अखेर उपमहापौरांच्या दालनातील फोटो काढला

मालेगाव महापालिकेत उपमहापौरांच्या दालनात Tipu Sultan यांचा फोटो लावल्याने वाद निर्माण झाला होता. हिंदुत्ववादी संघटना व काही नगरसेवकांकडून तीव्र विरोध झाल्याने अखेर प्रशासनाने फोटो रात्रीच काढला. वाढता तणाव लक्षात घेता नगरसचिवांनी फोटो काढण्याचा निर्णय घेतला. वाद टाळण्यासाठी फोटो हटवण्यात आला. तरीही मालेगाव शहरात राजकीय प्रतिक्रिया सुरूच आहेत.

[embedded content]