दिल्ली: विमानतळावर निसर्गाचा तडाखा! वादळामुळे एअर इंडियाच्या तीन विमानांचे नुकसान; लोखंडी स्टॅण्ड झाले 'खेळणी'

 

दिल्ली: रविवारी, ७ जून २०२६ रोजी सायंकाळी दिल्लीतील इंदिरा गांधी आंतरराष्ट्रीय विमानतळावर (IGI) अचानक आलेल्या तीव्र वादळाने आणि मुसळधार पावसाने मोठी दाणादाण उडवून दिली. या नैसर्गिक तडाख्यामुळे विमानतळाच्या टर्मिनल-२ वर उभ्या असलेल्या एअर इंडियाच्या तीन विमानांचे मोठ्या
प्रमाणावर नुकसान झाले आहे.

नेमकी घटना काय? रविवारी सायंकाळी ४:४० च्या सुमारास अचानक सोसाट्याचा वारा आणि पाऊस सुरू झाला. या वादळी वाऱ्यांमुळे विमानतळावरील ग्राऊंड सपोर्ट इक्विपमेंट (जसे की स्टेप लॅडर आणि मेंटेनन्स प्लॅटफॉर्म/ट्रेस्टल) आपल्या जागेवरून हलले. हे जड लोखंडी स्टॅण्ड वाऱ्याच्या वेगामुळे एखाद्या खेळण्यासारखे भरकटले आणि एकापाठोपाठ एक अशा प्रकारे उभ्या असलेल्या एअर इंडियाच्या तीन विमानांवर जाऊन आदळले.

https://punenews24.in/latest-news/deadline-extended-for-food-grain-collection/

 

नुकसानीचा तपशील: या अपघातात एअर इंडियाच्या तीन विमानांचे नुकसान झाले असून, सुरक्षेच्या कारणास्तव तिन्ही विमाने तात्काळ सेवेतून वगळण्यात आली आहेत. यातील एका विमानाचे अधिक नुकसान झाले असून, त्याच्या दुरुस्तीसाठी जास्त वेळ लागणार आहे. इतर दोन विमानांची दुरुस्ती होऊन ती या आठवड्यात पुन्हा सेवेत दाखल होण्याची शक्यता आहे. या घटनेत कोणतीही जीवितहानी झाल्याचे वृत्त नाही. प्रशासनाचे अपयश?या घटनेनंतर एक गंभीर प्रश्न उपस्थित केला जात आहे की, हवामानात होणाऱ्या या अचानक बदलाची पूर्वसूचना एअर ट्रॅफिक कंट्रोल (ATC) कडून विमानतळ ऑपरेटर किंवा एअरलाइन्सना का देण्यात आली नाही?. विमानतळ प्रशासनानुसार, त्यांना वादळाबाबत कोणतीही अधिकृत चेतावणी मिळाली नव्हती.