T20 WC 2026 : सेमीफायनल गाठण्यासाठी टीम इंडियाला या एका टीमला हरवून इतिहास बदलावाचं लागेल, आपण ग्रुप ऑफ डेथ मध्ये

T20 World Cup 2026 Super 8 : T20 वर्ल्ड कप 2026 मध्ये टीम इंडियाने आतापर्यंत दमदार प्रदर्शन केलय. सलग चार विजयांसह टीम सुपर-8 मध्ये पोहोचली आहे. टीम इंडिया ग्रुप-1 चा भाग आहे. सुपर 8 राऊंडला सुरुवात होण्याआधीच टीम इंडियाची ग्रुप 1 मध्ये खूप चर्चा आहे. कारण याला ग्रुप ऑफ डेथ सुद्धा म्हटलं जातं. या ग्रुपमध्ये भारताशिवाय दक्षिण आफ्रिका, झिम्बाब्वे आणि वेस्ट इंडिज या टीम आहेत. या सर्व टीम्स सतत चांगलं प्रदर्शन करतायत.

ग्रुप 1 मधील चारही संघ ग्रुप स्टेजमध्ये एकही मॅच न हरता सुपर-8 मध्ये पोहोचल्या आहेत. भारताने ग्रुप A मध्ये पाकिस्तान, अमेरिका, नेदलँड्स आणि नामीबिया या टीम्सना हरवून टॉपमध्ये जागा बनवलीय. दक्षिण आफ्रिकेने ग्रुप डी मध्ये सर्व मॅच जिंकल्या आहेत. वेस्ट इंडिजने ग्रुप C सलग चार सामने जिंकलेत. झिम्बाब्वे ग्रुप बी मध्ये तीन विजय आणि एका ड्रॉ सह अजिंक्य आहे. या टीमच्या अजेय रेकॉर्डने या ग्रुपला सर्वात कठीण बनवलय. सर्व मजबूत संघ एकाच ग्रुपमध्ये असतील, तर त्याला ग्रुप ऑफ डेथ म्हटलं जातं.

टीम इंडियासाठी सेमीफायनलचा मार्ग कठीण

सेमीफायनल गाठण्यासाठी प्रत्येक टीमचा हा विजयी सिलसिला कायम राखण्याचा प्रयत्न असेल. भारतासाठी हा प्रवास सोपा नसेल. दक्षिण आफ्रिका, वेस्ट इंडिज आणि झिम्बाब्वे हे मजबूत संघ असून चांगल्या फॉर्ममध्ये आहेत. टीम इंडियाला वेस्ट इंडिज विरुद्ध जिंकण्यासाठी इतिहास बदलावा लागेल. भारतीय टीमने टी 20 वर्ल्ड कपमध्ये वेस्ट इंडिज विरुद्ध आतापर्यंत एकदाच विजय मिळवला आहे. दोन्ही टीम्स चारवेळा आमने-सामने आल्या आहेत. तीनवेळा भारतीय टीमला पराभवाचा सामना करावा लागलाय. अशा स्थितीत टीम इंडियासाठी सेमीफायनलचा मार्ग अजून कठीण बनलाय.

सुपर-8 च्या ग्रुप 1 मधील सामने

22 फेब्रुवारी : भारत विरुद्ध दक्षिण आफ्रीका

23 फेब्रुवारी : झिम्बाब्वे विरुद्ध वेस्टइंडीज

26 फेब्रुवारी : वेस्टइंडीज विरुद्ध दक्षिण आफ्रिका

26 फेब्रुवारी : भारत विरुद्ध झिम्बाब्वे

1 मार्च : झिम्बाब्वे विरुद्ध दक्षिण आफ्रिका

1 मार्च : भारत विरुद्ध वेस्टइंडीज

ग्रुप-2 मध्ये या टीम्समध्ये टक्कर

सुपर-8 राऊड ग्रुप-2 इंग्लंड, श्रीलंका, पाकिस्तान आणि न्यूझीलंड या टीम्स आहेत. या चारही टीम्सनी ग्रुप स्टेजमध्ये प्रत्येकी एक सामना गमावलाय.

दुसरीकडे सुपर-8 राऊंड सर्व टीम्स आपल्या ग्रुपच्या बाकी टीम्ससोबत एक-एक सामना खेळतील. यानंतर दोन्ही ग्रुपची टॉप-2 टीम्स सेमीफायनलमध्ये क्वालिफाय करतील.