पुणे: दौंडमध्ये खळबळ! एकाच रात्री दोन घरांचे कुलूपे तोडून सोन्या-चांदीच्या दागिन्यांसह सव्वा लाखांचा ऐवज चोरीला!

पुणे: दौंड शहरात सायंकाळच्या सुमारास दोन वेगवेगळ्या ठिकाणी सोन्या-चांदीच्या दागिन्यांसह रोख रक्कम असा एकूण साडेबारा लाख रुपयांचा ऐवज लंपास करून अज्ञात चोरट्यांनी घरफोडी केली आहे. पद्मावती नगर मधील नेत्रम अपार्टमेंट येथील नितीन नवले यांच्या फ्लॅट मधील रोख रक्कम आणि सोन्या-चांदीचे दागिने असा दहा लाख रुपयांचा ऐवज तसेच डिफेन्स कॉलनीतील स्वप्नसागर अपार्टमेंटमधील रहिवासी अमित चंडालिया यांच्या फ्लॅटमधून रोख रक्कम आणि सोन्याचे दागिने असा अडीच लाख रुपयांचा ऐवज लंपास करण्यात आला.  असल्याची माहिती ठाणे अंमलदार बापूसाहेब रोटे यांनी दिली ही घटना शनिवार (दि.८) रोजी सायंकाळी सात वाजण्याच्या सुमारास झाली.

दरम्यान या घटनेमुळे शहरात भीतीचे वातावरण निर्माण झाले असून पोलिसांनी रात्रीची गस्त वाढवावी अशी मागणी नागरिकातून पुढे आली आहे. याप्रकरणी दौंड पंचायत समितीचे परिचारक नितीन नवले यांनी पोलिसांना दिली आहे. येथील पद्मावती नगर मधील नेत्रम अपार्टमेंटमधील रहिवाशी नितीन नवले यांचे कुटुंब काही कामकाजा निमित्ताने दौंड येथे नातेवाईकांच्या घरी गेले होते.

परिसरातील लोकांना त्यांच्या घराच्या दरवाजाची कडी तुटलेली दिसली तेव्हा परिसरातील लोकांनी नवले कुटुंबियांबरोबर संपर्क साधून घटनेची माहिती दिली. यावेळी नवले कुटुंब तातडीने घरी परत आल्यानंतर त्यांना घराचे कपाट अस्तव्यस्त झालेले दिसले कपाटातील सोन्या चांदीचे दागिने आणि रोख रक्कम चार लाख रुपये असे एकूण दहा लाख रुपयांची घरफोडी झाली आहे. डिफेन्स कॉलनी
याप्रकरणी पोलिसांनी आरोपींचा शोध सुरू केला आहे.